samedi 28 février 2009

إلى جل المدونين قبل الطوفان

أنا يظهرلي إلى المستوى عموما في البلوغسفير هبط أكثر مما يتصورو العقل ويقبلو تسامح أي شخص متملح.. ولينا نشوفو في كلام هابط تقولش علينا في مرشي سيدي البحري..سفناريا وبطاطا وشلايك و عملاء..
نتصور إلي البعض ما كانش باش يتمادى في إستعراض الزبالة متاعو لو لا صمت الكثير من المدونين عما يجري :بمنطق اش مدخلني؟خلي ياكلو بعضهم.. لا يرد فاس على هراوة.. بل أن بعض المدونين ترك تعليقات (عن قصد أو غير قصد) كلها شتم و تهجم مجاني على تعليق متع مدون آخر :مدام ماهيش ضدي مايهمنيش ! ويكمل "يتناقش" معاه عادي جدا..
المنطق هذا ومنطق معاملة الطرفين على نفس المستوى،قال شنوة،انتوما الزوز ماكمش متاع حوار ،هذا هو الشيء إلي باش يهز البلوغسفير في داهية
أنا مانيش فاهم كيفاش نتقاسم مع مدون فكرة وحلمة وبرشة وقت حلو وكيف نشوفو يتسب و يتشلك بشكل مجاني نسكت ؟؟؟
إذا كان حتى واحد ما يملك الحقيقة وهذا صحيح ،فالأكيد إلي ما يقفوش الزوز على نفس المستوى منها .وأبعد واحد على الحقيقة هو إلي واقف على الربوة يصدر في الأحكام من الفوق:داخل في الربح خارج من الخسارة!لان اصدار الأحكام دون أخذ موقف، عملية ساهلة برشة!
وقتلي أي مدون يتجاوز حدودو ،يلزم الكلنا نقاطعوه وكان لزم نقاطعو إلي ما قاطعوش ، ومعادش ننشرلو أي تعليق، على خاطر حتى واحد فينا ماهو باش يمنع من الطوفان لو كان يغرق البلوغسفير في صناعة تحويل الزبالة إلى مادة قابلة للنقاش

20 commentaires:

eddou3aji a dit…

Je ne sais pas art.ticuler pour moi bloguer est une experience individuelle. Jaime interagir aver les autres mais pas plus...les actions collectifs meme quand elles sont nobles ne m'attirent que rarement alors les actions punitifs m'inteteressent encore moins. Pour moi c'est ca qui envenime l'ambiance. Ceci etant dit, ca m'arrive "d'eviter" des blogueurs car ils ont manques de tact envers d'autres. Je l'ai Deja fait et je le ferais dans le futur. Libre a chacun de choisir et d'evaluer les comportements selon ses propres normes

abunadem marzouki a dit…

عندك حق يا ارتيكولور انا بيدي جبدت روحي وقت اللي حسيت انو ماعادش ثمة ارضية للحوار الادنى .نتصور انو مش بالضرورة العباد تناقش وترد على كل شيء يكتبو مدون وكانها العباد ما عندها ماتعمل تتصيد فشكون يتكلم لول باش تشد خناقو.خلي العباد تعبر على اللي تحب واكتب انت في حاجة اخرى افضل من تطيح فيه سبان وهزان ونفضان لمجرد تسجيل موقف .اذا ثمة ارضية حوار ممكنة ماكانش زايد ها البلوغسفير .تي همة المدونين كعبتين وكعبة واللي يقرا ما يزيدش على 3 بالمائة زايد تفتعلو في بطولات وهمية .كاني نشوف في برشة عباد مازالت ماخرجتش من الجامعة تتصور البلوغسفير حجرة سقراط؟؟؟

نجدد الدعوة لحسين مرة اخرى وللوخيان الكل كيما صار عملول مع المدون عبدو اللي طاح فيهاسبان وطلبنا من حسين باش ينحيه ولو اني ضد منع اي شخص من التعبير عن رايو ولكن اذا يصير التعليق بالشكل اللي ريناه المدة هاذي نعملو طلب لحسين في نحان كل واحد يتجاوز حدودو ؟؟؟؟

ART.ticuler a dit…

كلامك يا دوعاجي صحيح وصحيح برشة .على خاطر موش من مهمة التدوين القيام بدور الشرطي،
باهي لكن أنا متأكد إلي إنت تلقى متعة في قراءة تدوينة حلوة كيما أنا نلقى متعة في قراءة تدوينة من تدويناتك وباش يقعد الفضاء هذا مكان للمتعة يلزمنا نقومو بحمايتو .
الأكيد راك لاحظت كيفي إلي تعاليق متع الانونيم نقصو برشة بعد ما الناس الكل تكلمت ونددت بيهم ..
أنا عندي كمية من التعاليق ( ما نشرتهمش) متع مدونين يتهجموا على مدونين اخرين عن طريق مدونتي..هذا حسب رأي عمل بسيط ينجم يقوم به أي مدون لمحاصرة هؤلاء..

تحياتي

ART.ticuler a dit…

يا سيدي موش لازم حوار ..كل واحد يكتب رأيو..لكن أن يوصل الأمر إلى المستوى هذا؟ قال شنوة قال :نقد نظرية داروين (و الناس تتفرج وساكتة ) أنا نرى إلي البلوغسفير هابط في هفهوف ..شكرا أبو ناظم على المرور

لاعب النرد a dit…

ART.ticuler
نتصور حتى السكات راهو موقف. أما موش ديما كيف ما فسرتو انت (وقوف على الربوة). السكات في برشة حالات شكل من أعتى و أقوى أشكال المواجهة...

eddou3aji a dit…

Hakkeka ma39oul fi modawwntou kol wa7ed ya3mel elli i7ebb kan. Thamma slam masset kol wa7ed ya3mel el menage :))

hatim a dit…

"وهذا هو مستواك الفعلي :مستوى جمهور الستاد
و سيب عليك من التقدمين متع البلاد ..ما نتصورش عندك "عقل باش تفهمهم..حثالة

24 فبراير, 2009 01:54 م
art... tu reconnais ce commentaire que tu as laissé chez Tarek K; franchement est ce un langage de quelqu'un qui veut débattre???

ART.ticuler a dit…

@لعب النرد :
السكات إلي يقع مساندتو بموقف هو السكات الفعال أما السكات في حد ذاتو للاسف يقع فهمو في تونس على انو علامة الرضا
@ حاتم
هل توجهت بنفس هذه الملاحظة أولا إلى من يريد اعطائي دروس في الرقن؟ والتحدث معي بمنطق "البطاطا والسفنارية" هل هذا منطق للحوار؟
لماذا هاته المحاولة لتقديمي وكانني أنهى عن الفعل و آتي مثله في حين أن ماتقوله هو النتيجة وليس السبب

ART.ticuler a dit…

الدعاجي
العملية ساهلة برشة: عدم تمرير تعاليق تمس من أي مدون و عدم فسح المجال لاي مدون عندو سوابق باش ينشر في المدونة متاعك تعليق وبالمناسبة نقول لابو عربي من غير ماتكسر صوابعك:ما عادش باش نعديلك حتى تعليق عندي

3amrouch a dit…

Blogger ART.ticuler يقول...

ومن الستربتيز ما قتل.. هههههه..
يا عاشور توا إنت متأكد إلي الطرطور باش يفهم كلام هكا:
"فإن كان مت و إن كنته مات"
؟؟

3amrouch a dit…

Blogger ART.ticuler يقول...

لغاية في نفس طابور ! ههههه ..
فمة ظاهرة لاحظتها يا عاشور وهي ظاهرة نجم نقول عندها طابع لاهوتي :كيف "الكبير" يتمس.أذيالو، بمعنى من يجد تعريفا لذاته من خلال هذا "الكبير"، الناس الكل تهب لنجدتو و إعلان الولاء
"يا سيدي راك مثالنا الأعلى ..يا سيدي راهو جاهل ماتخوش عليه... عفوك يا سيدي و بركاتك..هاهاهاها
وإلي مزال ما حسمش مع فكرة الرب في مخو ما ينجم يكون كان قواد وإلا قفاف وتابع وهذا شي نعيشو فيه يوميا
ماهو رايك في ماقلته انت اذا؟؟
هل تلك تعاليق؟

3amrouch a dit…

: عدم تمرير تعاليق تمس من أي مدون و عدم فسح المجال لاي مدون عندو سوابق باش ينشر في المدونة متاعك تعليق
Sinon une bonne solution aussi c’est de faire gaffe à ce que tu écris et ce que tu poste.

ART.ticuler a dit…

:
@3amrouch


اسلامافوبيا, حشرة, طابور خامس, قرودة تاكل في الموز وتضحك, مرقة لوبية

بالله فمة حاجة لهنا ماعندهاش علاقة بنقاش الاسلاموفوبيا و لا حتى البطاطا و السفنارية... آخي تعرف شنوة معناها كي يحط واحد كلمة بين ظفرين؟؟ أية هذومة يتسماو ظفرين ""

أرتيكولي شادد الصحيح تحبني نمرمدك... ماههأه مانيش بش نمرمدك.. يلزم توصل مستوى معين بش نمرمدك.


كان تحب نزيدك نزيدك راهو مع عندي حتى مشكل..

3amrouch a dit…

ارتيكولي
وشنوة الحل؟
كل واحد يشد مدونتو ويسكر الباب ويحل كان لاصحابو ولا للي عندهم بطاقة عضو؟
ولا نواصلو نسبو بعضنا بالتدوينات المضادة؟
الكلام الي قلتو انت الكل قلتو انا عام لتالي (ممكن انت محضرتش) وقتلي ولى كلام بذئ في عنوان التدوينات وسب وفحش في القول وكيف طالبت بالكف عن ذلك واحترام الناس وجعل حد فاصل وعملنا حملة كاملة للتنديد وللدفاع عن الاسلام هل تعرف النتيجة ماذا كانت؟
احدهم مرر ايميلات للمدونين يخبرهم اننا محسبون على السلطة ونقوم بجرد لمعرفة من له حس ديني او تعاطف مع الاسلاميين وقاللهم بالحرف ردو بالكم؟ الادهى ان بعضهم صدقه
واحد اخر وهو قاضي معروف كتب اننا فعلنا ذلك (شد عندك هههه) للتشويش على احتفلات اربعينية قتيل الرديف (هههههههه)
تتخيل في مخك ارتي قوة الخيال ؟؟؟ تشويش ؟؟ على شنوة؟ هههه
ايييييه ذكريات لا تنسى
وفي الاخر اتهم تيتوف بانه قرصان ويقرصن
وتاتي انت اليوم لتعيد الكرة وتطالب بالحذف؟
على كل هو لم ياتي بشيء من عنده كلها تصريحات قالوها بانفسهم وما عليك الا مراجعة تدوينة عياش للاحتفال بداروين واقرا التعاليق
لكن يبقى تعليقك هذا اقوى واحد و اقوى تعليق تخيلت انك ستحذفه قبل كتابة تدوينتك
(وإلي مزال ما حسمش مع فكرة الرب في مخو ما ينجم يكون كان قواد وإلا قفاف وتابع وهذا شي نعيشو فيه يوميا )
معناه كان ماهوش ( كان قواد) راهو ( قفاف) ولا (تابع)

البرباش a dit…

أرتيكولي... وقت ما تقول

وقتلي أي مدون يتجاوز حدودو ،يلزم الكلنا نقاطعوه وكان لزم نقاطعو إلي ما قاطعوش ، ومعادش ننشرلو أي تعليق، على خاطر حتى واحد فينا ماهو باش يمنع من الطوفان لو كان يغرق البلوغسفير.

هل هذا يعني انو ملزوم علينا العباد الكل نعملوا موديراسيون للتعاليق..؟
يمكن لو كان جاء العبد متفاضي و ما عندو حتى شي في جرتو، ينجم يوسّع بالو و يشد العسة... لكن الظروف تحكم ع العبد ساعات يقعد بالنهارين و الثلاثة ما يكونكتيش، ش عملنا و قتها.

حاجة اخرى، شنوة الطوفان متاع البلوغسفير... يعني الحق متاع ربي، و مع كامل احترامي، ما نلقى كان اني نضحك قدام العبارة هذي...

يمكن مثلا حوسين يقيّد فلسة و ما يلقاش بش يخلّص الدومان متاع التن-بلوغ، و يسكرو... غير هكاكة، البلوغسفير محلولة و لن يتوقف التدوين على أحد (هذي كلمة أزواو في بوست قديم نتذكرو مليح في مدونتو القديمة اللي تحجبت)

الكلام السوقي موجود من وقت ما نعرف روحي دخلت للبلوغسفير، و ما ثمة حتى داعي لتهويل الحكاية.

ART.ticuler a dit…

يا برباش يمكن لك أن تفعل ما شئت لكن تأكد انه من ناحيتي سوف لن اسمح بتمرير تعليق يتعرض لك بالشتم أو بالثلب
أن يبقى البلوغسفير مفتوح هذا وارد جدا لكن في اية حال سوف تكون عليه حومته؟
اتمنى أن لا أجدك في مكاني في المرة القادمة في تدوينة تيتوف وعندها سوف لن أهول الأمور .. تحياتي
تمشيش زادة دورها سبان في حومة البلوغسفير باش تعبر على جو البلوغسفير ؟هاهاهاه

ART.ticuler a dit…

@amrouch
مشكلتك يا عمروش أنك تأخذ الامور بخواتمها ..وهذا موش ديمة صحيح ..جل ما كتب هو ردة فعل عما يحدث في البلوغسفير من تصنيف وتقزيم وتقريد للمدونين..ويمكنك تتبع نسق الأحداث..فمن الخطأ إعتبار ردة الفعل فعل ..

جمال البخاري a dit…

لقيت الأحباب كلها هنا

كلامك معقول و هايل و يا ريت كل واحد يعبر على وجهة نظرو من غير ما يسب الثاني

abu arabi a dit…
Ce commentaire a été supprimé par un administrateur du blog.
brastos a dit…

يزّي بلا تمسكين و تمثيل يا عمروش
انا بصراحة لم اعد احتمل قدرتك على النميمة و النفاق
انت تندد بالبذاءة من المخالفين ليك .. لكنّك تباركها و تغض عليها الطرف من اصحابك

اتوّا ناخذو بخاطر الملايكة الجدد كيما قال جنّي ، و ندورو على الجامعات متاع علوم الاحياء و نقولولهم يزّي ما عتوش تقرّو نظلريات التطور (داوروين و غير داروين) خفاظا على مشاعر سي عمروش و الجوقة متاعو
عمروش انا وقت اللي نحبّ نلمّح نامّح ... اما احيانا لا مناص من المصارحة و المكاشفة ، دعني اقول لك : انت منافق كبير .نقطه

Enregistrer un commentaire