lundi 27 juillet 2009

خواطر ودعوة للاقلاع


لا أعتقد أنه يوجد على هذه البسيطة بلوغسفير يستعمل فيه الكلام الهابط كيما البلوغسفير التونسية والغريب في الأمر أن مصدر هذا الكلام هم أناس مرضى نفسيين يدعون محاربة لا أخلاقية اليسار !
تجد
ر الأشارة هنا إلى أن اليسار في مفهومهم هو كل من خالفهم الرأي ،حتى عاشور الذي ما إنفك يذكر أنه ليس يساري ولا علاقة له باليسار وقع الزج به في خانة اليسار غصبا عنه! ههههه

المهم أعود إلى موضوع التدوينة و أقول أن خير دليل على التناقض الغريب الذي يعيشه هؤلاء هو اعتمادهم من جهة على الكلام السوقي ومن جهة أخرى يدعون حماية الأخلاق الحميدة ! برا حاول تفهم؟؟؟
توا موش هذا عوج يزوك منو القطاطس! ؟ من حسن الحظ هنالك آلة يمكن استعمالها ضد تزويك القطاطس (هنا)
بطبيعة الحال إلي باش يقع سبانو موش باش يسكت وإلا يمد خدو اليسار وما فيها باس كيما قال بيق أنك تخاطب الناس بما يفهمون !
لكن كيف نجيو نشوفو حصيلة الأيام الأخيرة من التدوين نلقاوها للاسف ضعيفة جدا !
لكم أن تتخيلو
معي كم خسرنا من نص جميل من عند الفرررر مثلا أو نقشة من عند البيغ أو نص فلسفي من عند عياش ..ألم نخسر هذا الصباح نص بنين من عند براستوس لو لم يكن عليه الرد على مخرجي مسلسل :ابحث معنا؟؟
أنا أحمل المسؤولية أولا وثانيا و ثالثا و رابعا و خامسا إل
ي هؤلاء خفافيش الظلام إلي ما عندهم ما يصنعوا سوى تتبع فلان وفلتان وهاو يرسم الهمزة بالشكل كذا و يستعمل لون الأحمر قبل شقان الفطر ولون الأزرق بعد شقان الفطر ..!! وهذا دليل إلي ما يصومش رمضان!! ههههه
لفت انتباهي أن أحدى المدونات كتبت تدوينة كاملة فيها تعاليق لمنتحل صفة البيق تراب بوي (هنا) ولو أني نحب نحيها على شجاعتها إلي نشرت مثل هذه التعاليق الحقيرة فالخوف هو أننا بنشر مثل هذه التعاليق نكونو نشجعو فيهم على المزيد من الكتابة. مع العلم أن نفس الجرثومة كتب عندي بعض التعاليق من نفس النوع وكيف احتقرت فهم إلي ما عندو فين يوصل..
أخيرا نحب نربط كلامي بتدوينة الفررر الأخيرة ونقول : نعم يمكن إيجاد شكل جديد من التدوين بعدم إعطاء فرصة لاي تعليق خارج الموضوع أو هابط وأي تعليق سوق
ي يقع محو بشكل آلي دون إثارة زوبعة لان إثارة الموضوع هو ذلك ما يريدونه هؤلاء ..هؤلاء مرضى ويبحثون على لفت الأنتباه كالمراهقين الذين يثيرون الفوضى باستعمال درجات نارية دون كاتم صوت فقط ليقولوا نحن هنا ..لكن كيف يمكن أن يجد ذاته من لم يعرف الوجود يوما؟

20 commentaires:

Unknown a dit…

عاشور يساري يا أرتيكيلي، أنا ما عندي حتّى علاقة لا بطابور خامس و لا سادس، لكن الكلام متاع عاشور متاع يساريين، أو بالأحرى شيوعيين قدم قلبو الفيستة كيف برشة عرب زعمة زعمة ليبيراليين جدد، و الفصيلة هاذي كثرت توة في البلدان العربية خاصة مع حرب العراق

اليبيراليين الجدد هوما مزيج متاع شيوعيين قدم، فيهم شكون يسال مغرفة للعروبيين و البعثيين، و فيهم شكون يسال مغرفة للإسلاميين

عاشور يساري، حتّى و لو أنكر ذلك، هو من فصلية الملحدين النيوليبيراليين إلّي تحدث عليهم عياش من المرسى في المدونة متاعو

أول حاجة عاشور شخصية إفتراضية، لكن تمثل مواقف موجودة في الواقع، برشة يساريين قلبو الفيستة على اليسار خاطر البعض من زملائهم تحالف مع الخوانجية، و زيد ممكن خاطر اليسار ما عندو حتّى مستقبل، لذلك طلعو بحكاية الليبيرالية الجديدة. وإلّي هي ماركسية لابسة قناع

،الموضوع هذا تناقشت فيه ديجا مع عاشور

هذاكا علاش أنا سمّيتو يساري و حاشم

ART.ticuler a dit…

أنا شخصيا ما نجمش نحكي باسم عاشور باش نأكد كلامك أو ننفيه لكن نقلت فقط ما كان قالو هو في العديد من المرات ونتمنى يكون يقرا في التدوينة باش يجاوبك

Rose de sable a dit…

Ayez la décense au moins de censurer/modérer les commentaires vulgaires. c'est pénible a lire et franchement je suis de loin la blogosphere et ca me dégoute de jour en jour de lire un tel niveau...
pardon mais a la longue cela nuira a tout le monde quelque soient leurs avis et opinions.

brastos a dit…

اهلا

ياخي مثبّت اللي انت = انت / و ماكش انا ؟؟

انت قدّاش تعمل من نقطة استفهام بعد الجمله الاستفهامية ؟؟

زوز ؟؟

اه .. ماله لا .. انت = انت

و انا = انا


خاطر انا نعمل ثلاثه نقاط استفهام امام الجمل الاستفهامية الانكارية و اربعه امام الجمل الاستفهامية العادية

اما يظهرلي مادامك تستعمل في نوعية الخط الفولانية ، اللي يستعملها فلان ، ما تكون كان هوّ

اذن

انت : هو

و هو : انت

يبقى السؤال المحوري

هل انا : هو

؟؟؟

و الحال اننا انا و هو ، نرسم الهمزة بشكل متشابه

؟؟؟

ستنّى اسّعه .. يا وحيّد ههه على شكون تعدّي فيها ، تهاك تخلّي فراغ قبل الفاصل و بعد الفاصل
كيفي آنا

يا وحيّد

ماله ما تكون كان انت = هوما

انت = هوما
و هوما = هو
و هيّ = نحن

قمّة التفاهة .. قمة الضحاله .. قمّة الفقر الفكري.. قمّة الفراغ .. قمّة الخواء

في الاسبوع الاخير كتب الفرررر مقال رايع و في منتهى الهدوء و القدرة على التحليل في الدولة العربية

ما سمعناش اصواتهم هاك القاردكورات متاع الليّه

كتب عياش بأسلوبو المعروف في مسألة هامه برشه : العروبه من وجهة نظر اخرى

كيف كيف .. لا حياة لمن تنادي

حارزات متاع حمّام

شراميط متاع مباغي عمومية

ليس لهم القدرة الا على وضع اليدين في الخصر ، و الانخراط في هستيريا العار و المندالي

عقد .. ناس مكبّته .. عندهم عداء اسطوري للحياة ..للضحك .. للفن .. للجسد .. للذه

ملاعين إيروس

ملاعين براستوس

ملاعين فينوس

اعداء الحب و اللذه و الاحتفالات و الفن و الجمال

ما الذي ننتظره من شخص لعنته مثل هذه الالهة و مسخته محوّلة ايّاه الى حشرة جافّة ، طائرة ذات رائحه نتنه ، لا يمكن ان يصدر عنها ايّ قبس للجمال او للحياة

Simone a dit…
Ce commentaire a été supprimé par l'auteur.
brastos a dit…

@ sofiane

انا ضدّ توزيع التيكات على الناس ، لكن لاباس من انّو الواحد ينطلق من مفاهيم متفق عليها باش يحدد هل انّو التوجه الفولاني (موش الشخص) يساري ، او يمسني ام شمالي او جنوبي
:)

اوّل درس تعلّمناه وقت اللي بدينا نحلّو في عينينا على مفاهيم اليسارية و الشيوعية و الراسمالية و الاشتراكية و الليبرالية و...و...هي انّو اوّل "بند" ان صحّ التعبير في اليسارية في جانبها الايديولوجي هو الانحياز الى الطبقات المضطهدة و تبنّي قضاياها و و بناء برنامجها السياسي وفق مصالح الفئات الشعبية

اعطيني كلمه وحده ، و الا حتّى حرف ، في الادبيات الفكرية و السياسية اللي صدّعولنا بيها روسنا الليبراليين الجدد ليلا نهارا ، عندها علاقة بمفهوم "اليسارية" الكلاسيكي

خوذ مدوّنة عاشور نموذجا

يعني ارجع انت لتدويناتو خلال فترة انتفاضة الحوض المنجمي ، و استنتج وحدك "يساريتو" من عدمها

!!!!!!

اللادينية ؟؟؟

ماهيش موقف حصري حكر على اليسار

قد يتبنّى اليمين المتطرف مواقف لادينية موش انطلاقا من رؤية فلسفسة و الا انسجاما مع برنامج كامل و رؤية كاملة ، بل انطلاقا من مصلحة أنيّة

عداء الليبراليين الجدد للدين/و للاسلام بشكل ادقّ ليس سوى صورة لعداء الامريكان لصنيعتهم : الاسلام السياسي
و لا علاقة له بالموقف التقليدي اللي ماخذو اليسار ، خاصة في شقّو الراديكالي ، من الدين فلسفيا و نظريا اخلاقيا و سوسيولوجيّا

ART.ticuler a dit…
Ce commentaire a été supprimé par l'auteur.
ART.ticuler a dit…

شكون باش نجاوب أنا؟ سيمون وإلا زهرة الرمال؟ في كل الحالات نحن في هاك الدجاجة نريشو..شكرا على المرور

ART.ticuler a dit…

@brastos
يبدولي إلي كانوا مغرومين برشة بالالغاز البوليسية --ههههه

Unknown a dit…

@Brastos

إيه يا براستوس أنا ديجا قلت هكّا، العباد هاذم
عندهم جذور يسارية و أصلهم يساريين، لكن بحكم برشة ضروف كنت أشرت إلى البعض منها في تعليقي السابق، قلبو الفيستة على اليسار و الشيوعية، و أصبحو زعمة زعمة ليبيراليين جدد

شنية أفكارهم و خطاباتهم؟

حتّى شئ، علمانية في صيغة ماركسية، مساندة أمريكا و إسرائيل نكاية في العروبيين و الإسلاميين، لا أكثر و لا أقل، حاصيلو، زيدهم عامين أو ثلاثة سنين توّة ماعادش تسمع بيهم

اليمينين الملحدين متاعنا، يصليو وراء القزوردي في جامع العابدين و من بعد يمشيو للطبرنة، مازال معنّاش ملحدين يمينيين كيف عاشور

تي حاصيلو، برشة حكايات و كلام موجودين في مدونة عاشور يخلّيني نكون مقتنع أنه من اليساريين القدم، إلّي
هوما توّة ضايعين فيها

:))

لاعب النرد a dit…

ارت
اهلا
"نعم يمكن إيجاد شكل جديد من التدوين بعدم إعطاء فرصة لاي تعليق خارج الموضوع أو هابط وأي تعليق سوقي"
هذا هو...صدقني ثمة اشكون ما ينجم يتوجد كان في خضم عركة و معمة و سبان و عرك حوم، أفضل حل هو تجاوزه تماما على خاطر النقاش معاه بلا فايدة
ثمة كلمة متع الامام علي، يقول ـ ما معناهـ : ما جادلت جاهلا الا و غلبني ـ
لذلك زايد

ART.ticuler a dit…

أهلا لاعب النرد. بالفعل علينا الكف عن الرد على هؤلاء المرضى ..لكن مافيها باس ساعة ساعة تروش واحد فهم بكف وديمة تمشي..هههه

brastos a dit…

sofiane

ايه .. يساريين قدم .. ايه .. كلمة "قدم" عندها برشه دلالات

عندنا وزرا .. يساريين قدم .. هل انّهم يمثّلو اليسار توّه

بالطبيعه لا

بالعكس .. تعرف اللي انا نتصوّر اللي اليسار في العشرية الاخيرة صحيح عايش ازمه .. لكنّها ازمه ايجابية تنجم تقول

بمعنى انّو آن الاوان لتدمير المعادلة الوهمية اللي وقع تعميمها في وقت معين ، و اللي تقول : يسارعربي = جواسيس الاتحاد السوفييتي

اللي بالمناسبة جزء هام منهم ، هوما الجينه متاع الليبيراليين الجدد
و هاذومه اللي تصحّ عليهم كلمتك : "ضايعين فيها توّ" ـ

لانّهم ، شأنهم شأن الانتهازية السياسية بمختلف الوانها ، ما ينجّموش يعيشو من غير ما يراهنو على قوّة خارجية

يعني
هام جدا انك تو تلقى يسار متطوّر و راديكالي ،
اما من غير اتحاد سوفياتي

:)))

Ghoul a dit…

@soufiene

توة بالنسبة ليك اللادينيية ماتنجم تكون كان حاجة من ثنين:

- يايساري شيوعي
- ماقزوردي

سامحني هاذي نظرة سطحية، اذا مانقولوش غير نزيهة على واقع منظومات فكرية كاملة ماهيش مبنية لا على شخص عاشور لا غيرو
انت كي قلت هكة رفضت حريت الفكر وهمك الأوحد هو تلصيق الإتيكات كيما قال براستوس

شيء مؤسف

Unknown a dit…

يا غول،

أرجع للتعاليق متاعي و للردود متاع براستوس توة تلقى كلامي واضح

أنا قلت أنو المواقف متاع عباد كيف عاشور هي أغلبيتها مواقف متاع يساريين قدم لكن توّة يحبو يوليو حاجة أخرى، لكنهم في الواقع قعدو ضايعين فيها

أنا ما قلتش أنو كل لاديني يساري، لكن تحدثت بصفة خاصة على ما يسمون أنفسهم ليبيراليين جدد كيف عاشور

لاعب النرد a dit…

ارت
صدقني لا كف و لا شيء...الاحتقار هو الحل...
بيق تراب بوي المزيف كان ممكن يكبش و يشبعني ريق بارد لو كان رديت عليه لكن أنا اكتفيت بتفسيخ تعليقاته على خاطر اي نوع متع تواصل معاه يولي خطأ يتحسب علي أنا
خلينا نتولهوا بمشاكلنا و الا نقدموا حاجة جديدة أفضل...نستنوا في تجربة فوتغرافية جديدة كيف كلنا فنانون

Khanouff a dit…

Dommage pour moi de tomber d'accords avec un "ghoul" :), mais il me semble à moi aussi, que celui qui classe les laïcs, les athées, les croyants et pas très portés sur la chose religieuse de "gauchistes" est d'une inculture manifeste. Et se donner la peine d'échanger avec ce genre de personne, ne serais-ce qu'un demi mot est une perte de temps, car cela ne comblera pas son déficit intellectuel ni fera avancer le débat avec ce genre de préjuger infondé.
http://tnkhanouff.hautetfort.com

Ghoul a dit…

يا سفيان

شفت انت كنت تلوم علي يقلك خوانجي على خاطرك تنتقد برامج التعليم الي عملها الشرفي؟؟

نفس الشيء تعملوا كي تنعت فالناس بيساري ولا ليبرالي جديد ولى ندرا شنوا فقط لأنه عبر على رأي معين
أما ماخيبك يا صنعتي عند غيري


شكون ماقالش الي انت هو الي ضايع فيها : لاك خوانجي ،لاك لاديني ،لاك قزوردي، لاك ليبرالي ، لاك يساري... شتطلع بالضبط؟؟

Unknown a dit…

شفت روحك يا غول كيف تحب تردها أمور شخصية، ياخي هي حكاية أنا شكون؟ أو شنيّة ميولاتي الشخصية؟

أنا تحدثت على مواقف و مضاهر موجودة في الواقع، ما تحدثتش على أشخاص، ضاهرة الليبيراليين الجدد موجودة، ياخي تحدثت عليها، و عندي الحق في إنتقادها

زعمة فما واحد في تونس إسمو عاشور ناجي و واحد إسمو غول؟

و أرجع للمدونة متاع عاشور، إلّي يقعد شخصية إفتراضية، توة تلقاه يحكي على الليبيراليين الجدد، و عندو نفس الخطاب متاع برشة يساريين قدم أصبحو يسميو في رواحهم ليبيراليين


أنا كيف تحدثت على الشرفي، تحدثت عليه كوزير تعليم، موش كشخص

ميولاتي الشخصية، مستعد إني نحكيلك عليهم في قهوة، موش في فضاء إفتراضي، لا نعرفك و لا تعرفني

باش الواحد ينجّم يحدد موقفه، يلزمو يفهم الواقع أول حاجة، و يعرف روحو وين عايش، و شنوّة موجود و شنوّة موش موجود

أنا مانيش لاديني، أنا مسلم، لكن موش خوانجي، و هاذي أمور شخصية قبل كل شئ، ماهيش أفكار سياسية

Ghoul a dit…

خويا سفيان

توه كي تردد وتعاود أنه عاشور يساري ومالليبراليين الجدد، هذه مش شخصنة؟؟

انت حكمت عليه من خلال آرائه، وفي نفس الوقت استنكرت أنه فمى شكون حكم عليك من خلال آرائك زاده

كي انت قلقتك كلمة خوانجي ، علاش ماتقولش بينك وبين روحك أنها كلمة يساري ممكن ماتنطبقش بالفعل على عاشور كيما انت تشوف الي كلمة خوانجي ماتنطبقش عليك

أضعف الإيمان أنه ماتنعتش غيرك مادام انت ماتحبش شكون ينعتك

أنا نقلك الكلام هذا بكن أخوية ومتأكد الي ماعندكش سوء نية، الفكرة أنه اذا نحبو نرتقيوا بالنقاش يلزم نبعدوا عالتصنيفات هذي ونركزا عالأفكار

Enregistrer un commentaire