mardi 18 août 2009

في معنى الكبت


يعتقد البعض أن الكبت مربوط بشكل آلي بالجنس والأنسان المكبوت هو إلي "ماكل كبوت" في أمور الجنس و المحروم بشكل أو باخر من
الممارسة الجنسية ..وهذا نجمو نلاحظوه في جملة الردود الواردة في تدوينة "الكبت"..
ما اعتقده أن الكبت كمفهوم ماهوش مربوط بالممارسة الجنسية ومع عندو حتى علاقة بها.!
الكبت هو عملية عقلية أولا وبالاساس و يمكن تعريف الكبت بانها عملية عقلية لاشعورية . عبارة على عملية دفاعية يستعملها الشخص للتخلص من شعور القلق والضيق الذي يعاني منه بسبب الصراعات التي تنشأ لديه من خلال عوامل متضاربه مثل القيم والاهداف في نفسه .
بعبارة أخرى الكبت هو عملية تتم في المخ لطرد عوامل الأحساس بالقلق النفسي إلى مستوى اللاشعور ودفنها هناك .
لكن موش كل ما في عينك حلى، من الشعور جاء!
الشعور لدينا لا يمثل سوى 20% من حياتنا الشعورية والباقي ينتمي إلى فضاء اللاشعور الذي يؤثر بشكل مباشر في حياتنا اليومية..
لا بد هنا من التمييز بين الكبت والقمع فالاول هو عملية لا شعورية أما ثاني أي القمع هو عملية تنتمي إلى مجال الشعور يمارسها الشخص بشكل إرادي على أفعال تدينها منظومت
و الأخلاقية .
يؤدي كبت الرغبات إلى عدة أعراض، وإلي هي في الحقيقة ترجمة لمحاولة الرغبة الدائمة الخروج من منطقة اللاشعور إلى منطقة الشعور.من هذه الأعراض :زلة اللسان، ،زلة القلم،الحلم، النكتة، والرعشة في اليدين وفي الأفكار :-)
وباش نعطي مثال بسيط ،عملا بالحديث :سهلها تسهال
الصراع بين الرغبة و الكبت هو نجمو نمثلوه بصراع بين الطبيعي والثقافي ! صراع بين الرغبة الطبيعية في فعل ما نريد و الحواجز الأخلاقية والقانونية التي تنتمي إلى ال
حقل الثقافي ..لكن الطبيعة أذكى برشة ميلي احنا نتصورو..ولذالك أش تعمل الطبيعة في حالة كبتها ؟ بكل بساطة تستناك في الدورة وتخرج في شكل متنكر,على سبيل المثال :
1-خوانجي يطيل النظر إلى قوام إمرأة باعتبار النظرة الأولى له والثانية عليه
2- إمام يطنب في الحديث عن الطمث
3- زلة لسان: على سبيل المثال قلب الكلمات كأن نقلب : نوبة عصبية إلى ع...نبوية
4- الكلام الزايد في الشارع (و إلي هو وفي الحقيقة كلام ناقص لاكتمال الشخصية )
5- التعابير الأخلاقوية من قبيل :يعيش خويا قداش الوقت؟ أو يعيش أختي ...إلخ وعندما نقول أخ وأخت نكون بذلك قد جعلنا إمكانية إحتمال قيام علاقة جنسية
خارج اللعبة في حين نجمو نسألو على الوقت من غير ما نكونو أخوة ومن غير ما يكون فمة جنس ..لكن الكبت يطفو دائما على السطح في أشكال مختلفة وساعة ساعة في لباس "زورو" ويرسم الحرف "زاد" على سلوكنا دون أن نعي ذلك .
خلاصة المعبوكة: إلي الكبت مربوط بالفكر موش بالممارسة وإلي الواحد ينجم يكون عندو أربعة نساء (سعودي مثلا :-) ) ويكون مكبوت !
هذا هو ..صحة شريبتكم ورمضانكم مبروك
!

5 commentaires:

3amrouch a dit…

الكلام الزايد في الشارع
لا لا نحكيوه في المدونات خير

Houssem a dit…

Je vois qu'on vient à la rescousse de son ami pervers.
J'ai rien contre : c'est bien la solidarité !

ART.ticuler a dit…

يا عمروش يا ولد عمي آش باش نقلك؟ كلامك صعيب وما فهمتيكش آش تحب تقول :-))
@houssem
التضامن يا حسام عندو برشا معاني والغريب انو حتى معنى ما ينطبق على حال التدوينة متاعي ..تدوينتي هدفها الذهاب إلى ما هو أبعد من مجرد صورة إلى فهم آلية الكبت وكيف يعمل و في نفس الوقت فرصة للنقاش فهل لديك طريقة أخرى لدفع النقاش ؟

brastos a dit…

محلاها كي واحد (مكبوت) يرى روحو في تدوينه .. و يجي يجري .. يعلّق هو أوّل واحد
;)
فمّه فهم سطحي و بهيم ياسر للـ"كبت" و للـ "كلام الزايد" .. الكبت في المخ .. في التصوّر .. في الوعي .. في آليّات تعبير مسرّحه .. في عدم اعتماد مؤخّراتنا كنظّارات

ART.ticuler a dit…

بالفعل براستوس الكبت نعانيو منو في مستوى التفكير وموش في مستوى الممارسة ..وهذكا علاش الواحد بعد ما يعمل عملة تخالف منظومتو الأخلاقية يقول:ربي يغفر ويسامح !
على خاطر رغم ممارستو ليها، هو من الداخل رافضها وهذا يترتب عليه برشة أمراض نفسية ..

Enregistrer un commentaire