vendredi 4 septembre 2009

طيش عليك من المرآة





ما هو دور المثقف في المجتمع ؟ سؤال يستحق أننا ناقفو عندو شوية..
باش نحاول نجاوب على هذا السؤال من خلال بعض الأعمال الفنية إلي قمت بصياغتها ..في بعض الأعمال اعتمدت "خلخلة" الأفكار المسبقة والثابتة ..أتعمد إستفزاز المتلقي و تحطيم قناعاتو إلي اكتسبها منذ الولادة ..عملية دقان مسمار في مرآة (صورة رقم 1 :شرخ ) هي محاولة لايقاظ الاسئلة في ذهن المتلقي وإحداث شرخ في التصورات إلي ديمة تعكس نفس الصورة ! يوميا ناقفو أمام المرآة ونستقبلو صورتنا فيها ونعمل على ترتيب هذه الصورة بشكل أنها تستجيب لمعايير المجتمع..المرآة لا تعكس في الواقع صورتنا و انما تعكس الصورة التي يريد المجتمع أن يراها فينا! ويعمل المجتمع على تقنين هذه الصورة من خلال التلفزة و الاشهار والموضة..إلخ.. وفي هذه الصورة النمطية أريد أن أحدث شرخا ! أريد أن أصلب تلك الصورة/الفكرة وأدق فيها المسامير .. على المرآة أن تعكس صورتي أنا ! وفكرتي أنا ! وذوقي أنا ! وذاتي أنا ! لا يمكن لاي مجتمع أن يتطور بجملة من الذوات مسلوبة الارادة ..ذوات تخلات على ارادتها الذاتية لصالح الارادة الجماعية والذوق الجماعي والفكرة الجماعية..
الارادة هي الوجه الآخر للحرية ! لا يمكن الحديث عن حرية دون إرادة وأقصد بالحرية ، أهم الحريات:حرية الفرد مع ذاته !
على المثقف أن يدفع في إتجاه التغيير ورج المسلمات ..دون مهادنة ودون ماسك إجتماعي ..على خاطر ما فمة كان المثقف الحر القادر على فعل هذا ..فلا السياسي (إلي يموت على الحسابات) ولا رجل الدين ( إلي يريد المحافظة على الموجود) ولا فنانو الابراج العاجية (إلي يرى في واقعنا بطاقة بريدية ) لا أحد من هؤلاء قادر على إحداث ترهويجة في افكارنا المسلمة ....
على المثقف أن يفتح أبواب موصدة دون خوف و يزيد يوسع في الافق متع المجتمع متاعو إلي ستانس منذ مئات السنين أنو يشوف الأشياء والحياة من زاوية واحدة ... "الرحى" إلي نستعملوها في رح
ي اللحم وإلا الزغوغو زعمة نجمو نشوفوها بشكل آخر؟ وفي دور آخر؟ (أداة إنارة مثلا،أو قطوس ؟ صورة 2 و 3) علاش الأشياء تفرض علينا "تعريفاتها" موش نحنا نشوفو الأشياء كيما نحن نحبو؟ علاش الانسان غايب وسط الكم الهائل من الأشياء والأفكار إلي في آخر الأمر هو خلقهم؟ أليس الأنسان هو إلي يعطي القيمة للاشياء والأفكار وليس العكس ؟..أعتقد أن القيمة داخلنا وداخل أي إنسان و ما عليه كان يوسعلها في الأفق ويحل بيبان مغلقة (أو أرادوا لها أن تكون مغلقة) باش تخرج وعبثا يحاول من يبحث عن القيمة خارج ذاته!

3 commentaires:

ferrrrr a dit…

أن يدفع في إتجاه التغيير

اكثر من هكا؟

brastos a dit…

هاذاكه علاش المتسيّس وقت اللي يتثقّف ..و يتحرر و يتطّوّر
و المثقّف وقت اللي "يتسيّس" ،يجمد و يفسد

brastos a dit…

تصحيح

هاذاكه علاش المتسيّس وقت اللي يتثقّف .. يتحرر و يتطّوّر
و المثقّف وقت اللي "يتسيّس" ،يجمد و يفسد

Enregistrer un commentaire