dimanche 20 septembre 2009

نحكي وحدي



اليوم عيد و ما عندي حتى رغبة باش نخرج ..ما بقالي كان نشد الدار و ندون..اش خير من التدوين والتعبير ؟

- خرجت الصباح عملت دورة على الدراجة ومررت بهذه الأماكن (
الصورة) .. زعمة فمة جنة خير من هذي ؟ الجنة هذي موجودة في الواقع على خاطرها موجودة في مخاخ الألمان .. الدنيا المحيطة بينا سواء كانت نظافة و إلا خضار ماهي إلا ترجمة للعقلية وطريقة التفكير ..وإذا كان محيطنا فيه الوسخ عاطي مسد و الساشيات الكحل تتطاير في الهواء راهو هذكا ترجمة لتفكيرنا و موش مؤامرة خارجية ! وإسرائيل ما عندها فيه حتى دخل والغرب موش متأمر علينا باش نكونو مسخين ..
يقول القايل فمة واحد بعقلو يخلي النظافة و الخضار هذا ويهبط لتونس في شهر رمضان باش يكون ضحية للغش في المرشي وإلا زبون غير مرغوب فيه في قهوة ريدوها هابط للشطر ؟
الحقيقة أنى سعيد بحياتي هوني ! موسيقى، عروض مسرحية، فن،
وعلاقات إنسانية بنينة، و أصدقاء من البلوغسفير زادوها بنة ...أما شنوة.. نحب فقط تكون تونس هكة نظيفة وخضراء وناسها متحضرين وعلاقات مبنية على الأحترام والمواطنة..يا خي هذي تهمة؟ نحب بلادي وناسها يكونوا عايشين الحداثة ،ممنوع؟ ما عنديش الحق؟؟
يا خي أنا طالب المستحيل ؟ الحكاية الكل خلينا نفكرو بطريقة أخرى ..صعيبة هذي؟ إذا كان الأغلبية متفقة إلي الوضع متاعنا موش باهي وإلي لتغيير الواقع يجب تغيير طريقة تفكيرنا إذن فاش نستناو ؟ بربي قولولي فاش نستناو باش نكونو كيف الشعوب الأخرى ؟؟

- والله ما سمعتك، آش قتلي؟
- لا! نحكي مع روحي




الصورة الثانية أخذتها في شهر رمضان 2007 وبالتحديد في باب منارة

4 commentaires:

الحلاج الكافي a dit…

مثلما قلت : الأغلبية متاعنا ترى اللى الوضع موش باهي و يلزم يتغير ...لكن الأغلبية ترى ان التغيير يتم بالرجوع للوراء...ثم أن كلمة "التــغيــيــر" أصبحت مرعبة و مخيفة لآن لا شئ تغير منذ 60 سنة

citoyen a dit…

بلاد خمسة وتسعين في المائة من شعبها عماريش وكلاندوات و مناضلين ضد الطابور تحبها تولي كيف ما تحكي بالعكس الأحلام متاعهم ضرب مرا على خاطر تلبس سروال

ART.ticuler a dit…

عماريش وكلاندوات

hahahahaha

Ghoul a dit…

التفكير بطريقة أخرى هو في الواقع أصعب حاجة

وكيما قال سيتواين الأغلبية مافيهاش دواء

Enregistrer un commentaire