mardi 29 décembre 2009

هذي غناية ليهم: آدم فتحي

يا عين ريت من العجب الوان
ولا يوم ريت اعجب من الانسان
ينسى الايدين الي بنت وعلت
ويتذكر الاحجار .. والبنيان
ضمي الجفون يا عين ..
علي عاشوا في الظل .. يسقو الشمس للعُطشان
وقوليلهم .. فينا الي يتذكرهم
بحبر العرق .. وريشة الوجدان

هذي غناية ليهم
من القلب تحييهم
الي عايشين لينا
ولا ريف ولا مدينة
لولا عرق ايديهم
يذوبو كالشمعة
ويخبو الدمعة
عن عيون اهاليهم
الناس الي تعاني
ونساتهم الاغاني
هذي غناية ليهم
***
الي عمري ليهم
وعمري شوية فيهم
يعيشوا بلقمة نظيفة

ربيع يجنح بيهم
تملكهم بكليمة
ويتمناكو ديمة
بعيد امانيهم
الناس الي تعاني
ونساتهم الاغاني
هذي غناية ليهم
***
الي في لياليهم
ضحكتنا تدفيهم
خطوتهم علجمرة
ويحلموا بالقمرة
مراية بين ايديهم
وفي اخر الحكاية
تتكسر المراية
وما تحكيش عليهم
الناس الي تعاني
ونساتهم الاغاني
هذي غناية ليهم

2 commentaires:

عمشة في بلاد العميان كحلة لنظار a dit…

Belle interprétation de Lotfi Bouchnak :
http://www.youtube.com/watch?v=ta9Wlrbk_wQ

Anonyme a dit…

CHANSON RAW3AAAA MTA3 LOTFI BOUCHNE9...!! (nourane nounou) :-)

Enregistrer un commentaire