mardi 29 décembre 2009

عام جديد طلّ علينا


كل عام جديد طلّ علينا
غمّضنا عينينا وتمنينا
و ليه أحلامنا غنينا
فرحة، ضحكة، وبرشة حاجات بنينة
وكلّ عام نقولو هذا عام جديد،
موش كيف اللى تعدّى علينا
تضحك علينا الايام،
و تخون أمانينا
نخبيو أحلامنا للأيام الجاية
ونقولو شبيها الدنيا علينا
ونسينا باش نقولو حاجة بسيطة : نحنا شبينا؟
حاطين ساق على ساق ونستناو في الفرحة تجينا
والعمر طار شطرو والباقي هارب بينا
الفرحة موش وردة مزروعة في جنينة
نطّلو عليها من الشبّاك تستنى فينا
هي زهرة نزرعوها اليوم
ويهديوها غدوة لينا
هي التبسيمة على الوجوه الحزينة
تكبر وتولى ضحكة في كبر أمانينا


3 commentaires:

WALLADA a dit…

كلّ عام و أنت بخير آرت

Anonyme a dit…

tahfounaaaaa barcha!! jet fi wa9tha...!!(nourane nounou) :-)

ART.ticuler a dit…

@ wallada
we enti bil milthel :-)
@ nourane
Merci we kol 3am we ent b5ir :-)

Enregistrer un commentaire