mardi 10 février 2009

لنقاطع الجرايد البودورو ولننشر الوعي بضرورة مقاطعتها


تخلف و همجية صحفية فاتت كل الحدود..ولو أني نشك إلى الناس هذي صحفيين بالحق..
على المواطن الكف عن شراء مثل هذا الصحف..المواطن هو إلي يفرض المستوى الادنى على الجريدة على خاطر ما فمة حتى جريدة تنجم تواصل الصدور من غير المبلغ البسيط إلي يدفعو المواطن ..
المواطن إلي يدفع 500 مليم لقاء كلام بذيء و أكثر من 50 ٪ من صفحات الجريدة إشهار والباقي الكل قص و لصق.. عليه أن يعي أنه ب-500 مليم متاعو ينجم يوقف صدور مثل هاته الجرايد إلي تلحق العار بالصحافة ككل..
لنقاطع الجرايد البودورو ولننشر الوعي بضرورة مقاطعتها
..

10 commentaires:

Dovitch a dit…

أو نمشي معك لأبعد
أنا واحد من الناس من نحبش حتى نمشي نقرا الجرائد بودورو
Onligne
بالرغم أنهم بلاش فلوس باش من ربحهمش حتى طرف
Publicité

Achille a dit…

ظاهرلي المواطن يشري في هالنوعية مالجرايد خصوصا باش يستعملهم في حوايج اخرى مثال حاجة ايحط فوقها فطوروا و بعد ايلم كل شي معا بعضو و للبوبالة فما زادا الي يستعملهم باش ايغلف روحوا الصباح وايحطهم تحت الكبوط وقتلي باش يركب عل موبيلات,تنجم زادا المرا تمسح بيهم البلار الخ الخ

3amrouch a dit…

المشكلة ياارتي تكمن في الدعم
الجرايد هاذي ليها نصيب الاسد من الاشهار العمومي
يعني حتى كيف تقعدلو على قلبو فهو رجع مصاريفو وعمل ارباح ومايهموش

ART.ticuler a dit…

@Achille
حتى لهذا الغرض فهي باهضة الثمن :-))

ART.ticuler a dit…

@3amrouch
أعتقد أن جريدة ما تتباعيش، يولي الأعلان فيها بدون فائدة..

Ashistic a dit…

سلام
انا بيدي توة مازلت كي كتبت عليها الفازة متاع "الإشهار البديل" حيث كل ما تزيد تنقد جريدة تزيد تربح اكثر...
الحاصل الفلوس اللي نصرفهم باش نشري بيهم الجرايد وليت حاططهم في خانة الفلوس المخصصة للموبقات...كلّو فساد

Sofiene Chourabi a dit…

علاش ما نعملوش قائمة في الصحف اللي يلزمنا نقاطعوها؟؟

ART.ticuler a dit…

فكرة حلوة ..اش قولك نبداو بالطريق الجديد؟ هاهاهاها
فقط للمداعبة..
أنا مع الفكرة..

Khanouff a dit…

Cela fait une éternité que je n'achète plus cette presse de caniveau! Quant à la liste, je pense que c'est une bonne idée.
khanouff

علاش a dit…

يضهرلي انو مشكل الجرايد بودورو أكير من الجرايد هذه بيدها
من جهة أخرى ما نجمش اني بكوني عايش البرة ما نشوفش الجرايد البودورو على خاطر كتبدا عايش البرة, الدورو يطيح الأورو!

أما ما دامنا نحكيوو على المقاطعة, علاش ما نقاطعوش حوايج ما اهم؟
مثلا اني من صغري ما نحبش قرطاج و الثقافة القرطاجية و مهرجان قرطاج!! عاد قلت علاش ما نقاطعوش منتوجات قرطاج و ما جاورها؟

آش قولكم؟

Enregistrer un commentaire