mercredi 25 février 2009

(عشرةاسئلة محرجة لمن لا يملك الحقيقة بعد (تتمة


نحب اليوم نواصل تدوينتي متع البارح وإلي حكيت فيها على الاسئلة إلي لازمنا نجاوبو عليهم باش نجمو نعملوا خطيوة لقدام..
باهي، إلي يعتبر روحو يمتلك الحقيقة بالف ولام التعريف موش لازم يكمل يقرا التدوينة وإلي مازال عندو رغبة باش يطرح أسئلة محرجة على روحو أولا, يتفضل نطرحوهم مع بعضنا ..
الاكيد وما نيش باش نجيب حاجة جديدة إلي موروثنا الثقافي يرتكز في جانب كبير منو على الدين وإلي الموروث هذا ما عرفناش اش نعملو به بالضبط ..فمة شكون قال : تلك أساطير الأولين وبالتالي لابد من تجاوزو وفمة شكون قال: موروثنا هو هويتنا وشقف الهمة ومن غيرو نحن ما نجيو شيء....
باهي أنا نحب نقول إلي أمام هذا الصراع إلي نسميوه عادة صراع الأصالة والمعاصرة ،القديم والجديد ،الماضي والحاضر..ما نجم نتسلح كان بالعقل باش نجم نفض المشكل وكيما قال نجم: " و معاي العقل دليل"
إلي يقول عقل يقول :تفسير و تحليل و دراسة و تمحيص و ما إلى ذلك ..
وبما أني لا ادعي إمتلاك اجوبة فعندي شوية اسئلة نحب نطرحهم معاكم :
1- علاش ما نعتبروش تاريخنا السياسي من سقيفة بني ساعدة إلى اليوم هو تاريخ قائم على الاغتيالات والقتل و التنكيل بالخصم السياسي ؟
2- علاش ما نعتبروش إلي الخلفاء الراشدين عباد كيفنا كيفهم وإلي الجاه والسلطة كانو وراء عدد كبير ممن حكموا بقبضة من حديد باسم الدين ؟
3-علاش مانعملوش غربلة للاحاديث النبوية إلي تجمعت قرون بعد وفاة الرسول ونستبعدو الأحاديث إلي تتنافى مع أبسط قواعد المنطق السليم؟
4- علاش نعتبرو النصوص الدينية غير قابلة لاعمال العقل فيها في حين أن النص القراني ذاتو يدعو إلى اعمال العقل و البصيرة :أفلا تبصرون.أفلا تعقلون...
5- علاش نعتبرو التطور البشري وقف منذ 1400 سنة وإلي البشرية وصلت إلي قمة " السعادة الأنسانية" ؟؟ (هاني نكثر من الأظفار وربي يستر :-))
6- علاش نعتبرو تطبيق الشريعة غاية في حد ذاتها وموش وسيلة للوصول إلى مجتمع "مثالي"؟
7- علاش ما نعتبروش إلي تطبيق الحدود فيه مس من كرامة الأنسان إلي وقع تكريمو في نفس الكتاب ؟
علاش كيف يتخالف النص مع العقل وإلي يعبرو عليه "أهل الأختصاص" ههههه النقل والعقل نطفيو الضوء على العقل وناخذو بالنص حتى ولو كان فيه مضرتنا؟ ونقولو إلي المصلحة موجودة لكن ما يعرفها كان إلي خالقها؟
8- علاش في القرن الواحد والعشرين مازلنا نتعطاو مع ما "يسمى بقضية المراة" كمفتول ضد السخانة كل مرة ترتفع فيه معدلات البطالة بين الرجال؟
9- علاش نعتبرو أرواحنا خير أمة في حين أن كل الوقائع تفيد عكس ذلك؟
10- علاش نعتبر الرسول ذاتو إنسان غير عادي وخ
ارق للعادة في حين هو بيد وعلى لسانو قال ما أنا إلا بشر مثلكم؟؟وأنا أبن إمرأة كانت تأكل القديد
؟؟
باهي هاذي جملة من التساؤلات وحبيتها تكون مركزة على الجانب الديني إلي هو بالحق يمثل معضلة في الفكر
غدوة نكمل جملة أخرى من الأسئلة لكن خارج إطار الدين

15 commentaires:

Soufiene a dit…

فيما يخص الأحاديث النبوية كلامك صحيح، ديجا المذهب الحنفي يرتكز أكثرية على القرأن و الإجتهاد في تفسير القرأن، و ما يلتجئش ياسر للحديث النبوي للأسباب إلّي إنت ذكرتها

أنا مانيش فاهم، علاش الوهّابيين و السلفيين يلوجوا ديما باش يقوّلو الرسول كلام ماقالوش، أو على الأقل ماهمش مثبتين من الصحة متاعو، و من بعد يبداو يخرّجو في فتاوي متاع كعور و عدّي للأعور، و زيد يقلّك إلّي الإسلام متاعو هو الإسلام الصحيح، و الأخرين بكلّهم غالطين

و زيد أنا مانيش فاهم علاش العديد من السلفيين يحبوا يولّيو كيما الرسول في المضهر متاعو و لبستو؟ يعني تقول كانوا عايشين معاه، و يعرفوه شيلبس و كيفاش يحجّم، و زيد الرسول عمرو ما قال إلبسو كيفي و حجموا كيفي

و أنا مانيش فاهم علاش السلفي التونسي يخرج في جبّة بيضة في قلب الشتاء؟

WALLADA a dit…

آرت ، اسمحلي باش نعلّق على بعض أسئلتك الّي بين ظفرين كنت نفضّل أنّها تكون "كيفاش" موش "علاش" و باش نركّز على السؤال الأوّل و الثاني و الرّابع

تقول " علاش ما نعتبروش تاريخنا السياسي من سقيفة بني ساعدة إلى اليوم تاريخ قائم على الاغتيالات و التنكيل " هوني نقلّك أعطيني تاريخ أيّ أمّة ما قامش على القتل و التنكيل ؟ الثورة البلشيفيّة الّي جات باش تحرّر البروليتاريا من هيمنة رأس المال طورقت على عايلة القيصر كاملة بنساها ببناتها حتّى بالولد الصغير المريض

و تقول " علاش ما نعتبروش الخلفاء الرّاشدين عباد كيفنا و أنّ الجاه و السّلطة كانوا وراء عدد كبير ممّن حكموا بقبضة من حديد باسم الدّين " شكون قالّك لا ؟ و الفتنة بين عليّ و عثمان و معاوية و تدخّل عمرو بن العاص فيها أكبر شاهد على تدخّل نوايا السّلطة بالطبيعة باش تكون باسم الدّين على خاطر وقتها هو الواعز المؤثّر أما هاك قلتها وحدك " عدد كبير منهم " موش الكلّ ، شوف واحد كيف أبو بكر بن قحافة كيفاش كان قبل الإسلام من الأثرياء و الأعيان و كيف مات خليفة آش خلّى ؟

و السؤال الرّابع تقول فيه " علاش نعتبرو النّصوص الدينيّة غير قابلة لإعمال العقل في حين أنّ النصّ الديني يدعو إلى ذلك " شكون يعتبر ؟ كانش كلّ ظلامي غير مؤمن بالعقل و لكن برشة ناقشوا النصّ الديني من المعتزلة حتّى لابن رشد تقلّي تمّ التنكيل بيهم نقلّك هاذيك أنظمة الحكم الغاشمة و في السّياق هذا نحيلك على كتاب عبد العزيز الثعالبي " روح التحرّر في القرآن " الّي على خاطره تحكم عليه ب4 شهر حبس

هذه بعض الخواطر حبّيت نتقاسمهم معاك بصوت مرتفع و أرجو أنّك تعذرني على الإطالة

ART.ticuler a dit…

@soufieneزيد أنا مانيش فاهم علاش العديد من
السلفيين يحبوا يولّيو كيما الرسول في المضهر متاعو و لبستو؟
لا يمكن أن أفسر هذا إلا بعنوان كبير نحط تحتو كل أسئلتك هي أزمة الهوية إلي تهز فينا و تصبط ..
levi's 501 و من فوق قميص أبيض يتدحرج ما نجم نفهمها الحكاية كان تحت العنوان هذا..
أتذكر في أحدى المرات في الحافلة كان هنالك إثنان من هؤلاء ،فقام احدهما لترك مكانه لمسن ألماني لا يسطع الوقوف..فما كان من زميله إلا أن نهره عن ذلك قائلا: إنه كافر لا تترك له المكان!!!! وهؤلا هم من اللاجئين الاسلامين من بلد مغاربي أي يتقاضى مرتب من الضرائب الذي يدفعها هذا المسن!!
والكثير من نفس هذا البلد وبلدان مغاربية أخرى يمتهنون السرقة وأين يضعونها؟ في المسجد!! قالك غنيمة من الكفار ؟؟؟!!!!!
قالك إسلامفوبية ومرقة باللوبية...

Soufiene a dit…

يا أرتيكيلي

هاذي حكاية التشبّه بالرسول خرج بيها الإمام أحمد بن حنبل، كان إمام محدّث و كان يحجّم و يلبس كيف الرسول على حسب كلامو، و يعمل كل شئ كيف الرسول، و هو صاحب المذهب الحنبلي، مذهب تقليدي و متزمّت ياسر

و من بعد جاء محمد إبن عبد الوهاب، خرج من الحنبليّة، و زادها شوية كره للشيعة، و زاد خلّط الحنبلية بالتقاليد البدوية البائسة متاع الجزيرة العربية، و طلع بفتاوي التكفير، و بن بعد وقع ترويج الوهابية في شكل تقليد أعمى للعادات و التقاليد البدوية و بإسم الدين، و زيد برشة وهّابيين متاع الجزيرة العربية كانوا يكرهو الغربيين و يحلّلو قتلهم، و الحل الوحيد بالنسبة ليهم هو الجهاد المتواصل و لا متناهي، و الجماعة السعوديين الوهابيين هاذم كانوا يسميّوهم الإخوان

حاصيلو، هالخلطة هاذي بكلّها تروّجت من بعد و بفضل فلوس البترول بإسم
الإسلام الصحيح، و في البلايص الكل

ART.ticuler a dit…

شكرا ولادة ..
سؤال أول: كيف تكلي ما فمة حتى أمة ما قامتش على القتل والعنف ،نقولك إلي إنت هوني قاعدة تبرر في الأعمال هذي؟!
نقولو إلي إنت ما كش قاعدة تبرر ونبصم بالعشرة إلي إنت خطيك العنف ههه
السؤال الحقيقي هو موش العنف وانما التقديس إلي نحيطوه بالشخص.. لنعترف أن الرسول ميت ولم يدفن بعد والصحابة يتقاتلون على الخلافة في سقيفة بني ساعدة ..

بخصوص العائلة القيصرية المشكل أنهم ما كنتش عندهم سقيفة..ههه


٢السؤال الثاني: إلي قالولي: لا! برشة من ناس ..حاول تشككك في الصحابة اتو يهبطو عليك أهل السنة والجماعة كيف القضاء ..
٣- سؤال الثالث: الثعالبي جاتو في 4 أشهر موش برشة (ولو الحكم في الأول كان طالبو علماء الزيتونة بالاعدام ) أما أبن رشد خلي وأسكت..
وكيف تكلي حزقة مشكلة أنظمة نقلك إلي الأنظمة هذيك كانت تحكي زادة باسم الأسلام وتقص الرؤوس باسم الأسلام..وما خفي كان اعظم

Hamadi a dit…

الإسلام موش البهيم القصير اللي نمسحوا فيه أغلاط من هب و دب و راهو حتى حد لا جا قال نعملوا خلافة في تونس و حتى حد لاهو باش يجي يقلكم نوليو كي السعودية و راهو الزين مترشح ل2009 و ناوي 2014. ولا الرسول و لا الخلفاء الراشدين لا حتى إنسان لاهو ملاكئة ما يغلطش. من الأحسن انهو كل واحد يصب شوية ما في شربو ( عصير و إلا شراب) و ينقص الراديكالية خاطر ما عادش فاهم النقاش يخص التوانسة و العرب و الا المسلمين. إذا الموضوع يهم مجموعة أكبر من التوانسة نستدعيو الدول الشقيقة و الصديقة خلي يولي النقاش كيف القمة العربية : خرافة طرش.

abu arabi a dit…

واحد/العالم الفضاعات الابشع فى التاريخ من تقتيل جماعي وتنكيل بالخصوم واستبداد دينى ماكانتشي فى العالم الاسلامى ولا بعد السقيفة...احلك فترات الانسانية كانت من صنع العالم الغربي وللذكر موش للحصر عايشنا منها حالات مارتن لوثر ومالكوم ايكس وديانا وقطارات سيبيريا وحرب البلقان والحرب الاهلية الاوربية اللى يحبو هوما يسمييوها عالمية والعالم منها بريء زيادة على محاكم التفتيش والحروب الصليبية وحتى اللى كانت فى العالم الاسلامي كانت بيد الامريكان والفرنسيس ولنجليز والطلاين فى العراق والجزاير وليبيا ولبنان وفلسطين...هذا باختصار شديد
ثانيا/الخلفاء الراشدين ما عندهم حتى خلفية مقدسة عند المسلمين...رجال حكموا بعد الرسول وحكمهم قابل للنقد والتقييم مع الاخذ بعين الاعتبار الفترات التاريخية اللتى حكموا فيها...اما اللذين حكموا بقبضة من حديد باسم الدين فلم يخلو منهم مجتمع من المجتمعات فى الارض قاطبة من لويس الى الفاتيكان الى بوش ونتنياهو
ثالثا/غربلة الاحاديث النبوية متواصلة منذ قرون وهى عملية صعبة نظرا لاختلاف المذاهب والمدارس ككل دين فى العالم...يعنى اننا لسنا الوحيدين فى هذا المجال فالبروتستانت والكاتوليك والاورتودوكس واليهود كلهم يعانون من هذا الامر
رابعا/اعمال العقل فى النصوص الدينية لا يتم بالمزاج بل له اهله ومختصوه فليس من اللائق اسناد هذا الامر لغير اهله...وللمسلمين عدة اجتهادات فى هذا المجال
خامسا/سؤال غير وجيه ولم يقل احد اننا وصلنا لاعلى السلم ولم نسمع هذا الاقرار من احد وبالتالى فانه لا يستحق اجابة فهو سؤال يتضمن اجابة طارحه كما يتمناها هو
سادسا/تطبيق الشريعة يخضع لعدة مقاييس وله ابعاد شرعية وسياسية وجغرافية وحتى اثنية ولا يبدو انه يمثل اولوية مطلقة لدى المسلمين ولم يعترض على مناقشته اغلب العلماء
سابعا/سؤال وجيه لكن لا مناص من فهم القصد الشرعى للحدود فالكلمة تحمل اجابتها فى داخلها والحد لغة هو ان نجعل حدا لذلك الشيء ومنها السعي لوقف تكرار الجريمة وليس السعى لتنفيذ القصاص
ثامنا/قضية المرأة قضية تشهد اختلافا كبيرا فى التعامل معها ويطول الحديث فى شأنهاولن نستطيع ايفاءها حقها فى سطور
تاسعا/وعلاش تفيد عكس ذلك..حاول فسرلنا علاش..ماتراه انت نفيا نراه نحن اقرارا..كوننا نحن عرة الامم تلك نظرة تخصك انت وليست قاعدة او مرجعا
عاشرا/ربما انتى تحكى على الجهلة متاع الصوفية كى تقول اننا نشوف الرسول غير عادى..اذا الاستنتاج متاعك وصلتلو عن طريق زياراتك لبلحسن الشاذلى..هاكى امور تخصك وحدك...كفاية استنتاجات خاطئة

ART.ticuler a dit…

يا سي حمادي يعيشك..إنت خالفت أهم شرط حطيتو أنا باش تكمل تقرا المدونة وهي الدخول بلا حقيقة ..ولات فيها حب و دب وبهيم قصير....

ART.ticuler a dit…

أبوالعربي كلامك ينجم يكون صحيح..

Hamadi a dit…

Par ce que j'ai dit dans mon precedent commentaire je n'ai pas voulu insulter personne, je m'exuse si j'ai enfrein une regle.
A mon avis le probleme est mal posé. Est-ce que on veut parler de la Tunisie? si on parle de la Tunisie inutile d'evoquer des choses qui sont hors contexte sakifet ibn sa3ida, profete et la naissance de l'Etat islamique primitive et commencons par poser la bonne question: Est-ce que la tunisie est en cours d'islamisation (politisation de l'islam)? Est-ce que l'Islam est un danger en Tunisie? Est-ce que c'est l'enjeu le plus important? L'apparition des phenomenes d'extremes (islamiste ou autres) ne sont-ils pas dangeureux par leurs radicalismes et manque d'ouverture plus que par leurs contenus?
Essayer d'analyser l'Islam et sa naissance et son parcours et son impact aujourdhui sur la Tunisie c'est comme (excusez la comparaison) demander l'impact de la victoire de l'italie en coupe de monde 1938 sur les chances de la qualification de la Tunisie au mondial 2010, il s'agit toujours de foot toujours de coupe de monde mais aucun mecanisme qui peut creer une relation.
Une vérité j'en ai pas mais je suis pret à donner ma contribution.
Amicalement, je reitere mes excuses.

trainspotting a dit…

@abu arabi:

1: notre problème c'est que justement à chaque fois qu'on parle des crimes commis par les arabes, du fait que les foutouhat étaient des guerres économiques de colonisation comme les autres, tu as toujours quelqu'un qui va te dire oui mais la civillisation occidentale a fait la même chose ou pire, ce qui n'est pas faux, mais en quoi ça nous concerne? le premier pas c'est d'admettre cela, de faire son mea culpa, oui les arabes ont fait ça ça et ça et c'est vraiment mal, c'est la première étape pour faire admettre aux autres (y compris Israel par exemple) que s'ils font la même chose c'est mal aussi, tant qu'on ne fera pas notre mea culpa il n'y a aucune raison pour que les autres le fassent et il n'y a aucune raison pour que certains religieuw ne continuent pas de porter notre civillisation aux nues comme si les foutouhat c'était de gentils musulmans qui ont réussi à convaincre par la force de leur foi seule une bande de paiens. C'est à dire en fin de compte de mentir au peuple. On ne peut que gagner en admettant nos "péchers" or aucun arabe ne le fait sans rajouter un "oui mais l'autre a fait pire" . Dites moi est ce que c'est le signe d'une véritable maturité ? On reproche à l'occident de ne pas toujours admettre honnêtement ses erreurs mais nous ne sommes pas capables de le faire nous non plus
A la limite si cette question était posée par un occidental on pourrait dire qu'on fait du "oui mais" pour relativiser son opinion on lui présente, mais là il s'agît à ma connaissance d'un tunisien comme nous, il a lu et entendu comme nous la version idéalisée des foutouhat, je me demande à quelle moment la réponse à cette question pourra simplement être "oui c'est vrai "

2/ certes aucun des khalifs n'est sacré mais l'époque des khalifs est considéré pour beaucoup comme une sorte d'âge d'or . Personne n'a une vision documentée , économique et réaliste , détaillée, dépourvue des mythes ("le Khalif Omar était tellement généreux qu'il a pleuré à la vue des pauvres... les gens vivaient heureux sous le Khalife abassyde machin dont j'ai oublié le nom ...) on a plus l'impression de lire un poème de mad7 que d'avoir un compte rendu historique de l'époque, or un compte rendu historique nous aurait aidé à désacraliser l'application de la Charia en montrant que même à l'époque du Khalif Omar il y avait des problèmes et la gestion n'était pas toujours excellente ni forcément sage (ce qui est le plus probable) et donc que l'application totale de la charia à un Etat n'est pas forcément la garantie du bonheur des individus

3- Certes la réexamination des Hadiths est en cours, mais une bonne partie des ulémas n'y adhèrent pas le but c'est de les faire adhérer à cela, ensuite l'époque où le clergé catholique utilisait la bible pour bruler les hérétiques est révolue par contre l'époque ou les musulmans utilisent les hadiths pour aller tuer leur prochain dans des attentats suicides nous la vivons en ce moment, disons que notre auto-révision est plus urgente que celle des autres malheureusement.

4- Etant donné que l'argument : "l'interprétation a ses spécialistes" a donné pour résultat un monopole de l'interprétation chez les exégètes et que bon nombre d'entre eux nous ont pondu des interprétations et des fatwas qui étaient un summum d'illogisme , de ridicule et d'inhumanité . Je ne vois pas pourquoi on empêcherait le commun des mortels de faire la même chose si c'est pour arriver au même résultat: un peu plus ou un peu moins... D'autant qu'on retrouve bien souvent une sagesse dans le plus simple des citoyens ou des paysans qu'on ne retrouve dans les pontes de l'azhar. Donc autant laisser la place à la dynamique du dialogue élargi qui permet justement que l'opinion la plus logique gagne, c'est une dynamique qu'on aurait dû adopter depuis le temps...

5- malheureusement beaucoup de gens croient que les gens vivaient le summum du bonheur et de la concordance sociale sous le prophète . Donc la question n'est peut être pas adressée à "nous" mais à "ils" le problème c'est que les autres ne s'y opposent pas ou pas assez énergiquement, et devant le silence de l'opposition , une voix même illogique s'entend encore plus fort

6- même remarque que 5

7- je n'ai pas compris la réponse ou plutôt ce qu'elle avait à voir avec la question

8- Je pense que le dossier de la femme n'existe pas , la femme est un être "homme" comme les autres dans le sens être humain, et à ce titre et en dehors des cas particuliers (tomber enceinte: ce qui ne lui arrive pas tous les jours et lui donne juste droit à la même considération qu'on doit à tous ceux qui sont dans une situation physique "différente" )
à ce titre je disai donc elle est par la loi comme par la logique un être humain comme les autres ni plus ni moins, le dossier de la femme est justement une invention de tous ceux qui ne la considèrent pas comme un être humain comme les autres et qui veulent l'utiliser pour avoir un pouvoir sur les foules et diriger . (je suis une fille pour l'info)

9- Le contraire d'"être la meilleure des nations" peut aussi être "ne pas être la meilleure des nations : et nous ne sommes pas la meilleure des nations, je doute d'ailleurs que de telles comparaisons puisse être faites en toute objectivité. Par ailleurs un article à apporter à articuler je pense que c'est plutôt "nous pensons avoir été la meilleure des nations" . Règle n°1 : toujours vivre dans le passé et rêver d'un trésor caché sous la terre qu'on découvrira peut être un jour (la clé de ce trésor étant bien entendu d'après certains plus de religion)

10- Je ne pense pas que l'opinion dont parlait Articuler était "non normale" dont le sens extra-terrestre ou parfaite ou avec des super pouvoirs, mais dans le sens de "un modèle" à suivre car le plus proche de la perfection , même dans sa façon d'entrer quelque part ou d'aller aux toilettes ce que pas mal de salafistes essais de faire, en gros ils veulent faire des musulmans des fans du prophète , comme en occident certains fans histériques adoptent les vêtements , les habitudes , la bouffe, les comportements de leurs idoles. Or le prophète n'est qu'un mortel comme les autres qui est venu présenter un message (après chacun est libre de croire ce qu'il veut par rapport à la véracité du message) . En général le bon sens commande ,si on est musulman, qu'on s'intéresse au message et non pas au messager et à son comportement , car si le message peut devenir une philosophie de vie , le comportement d'une personne effectué il y a 1400 ans et dans une optique et une société totalement différentes aurait des difficultés à l'être.

ART.ticuler a dit…

شكرا ليك سي حمادي على وسع بالك:

1- أنا ماحكيتش على تونس بصفة خاصة لكن تنجم تقول حكيت عليها من خلال انتمائها لهذا الفضاء الثقافي إلي عادة نسميوه : الثقافة العربية الاسلامية.
2- أنا شخصيا ما نتصورش باش تقع نهضة في تونس و في الجزائر و إلا المغرب(مثلا) لا.. وهذي حكاية طويلة وعريضة لكن باش نبسط الأمور نقول ماكنش ممكن قيام ثورة صناعية في دولة اوروبية دون أن يكون لذلك تأثير على بقية الدول التي تشترك في الأرث الثقافي..
3- الاسئلة إلى طرحتهم ما همش اسئلة غالطة لكنهم اسئلة خارج مبارة اليوم إلي هي ودية ويمكن أدراجم في البطولة الوطنية.
4- اقرارك عدم إمتلاك الحقيقة بداية طيبة .
تحياتي

Soufiene a dit…

كلامك فيه برشة صحة يا أرتيكيلي، خاطر هو بنفسو قبل عبد العزيز الثعالبي، طرح مشاكل تونس في نطاق عربي و إسلامي، و ربط مصير تونس بالتحولات إلّي ممكن تصير في الدول العربية المجاورة، و خاصة توّة مع المد و الإنفتاح الإعلامي الموجود، نتصور أنو عبد العزيز الثعالبي ماهوش غالط في التصوّرات متاعو

حاصليو هذا شفهمت من كتابو تونس الشهيدة

صحيح جاء بورقيبة من بعد، و طرح نفس المشاكل لكن في نطاق تونسي بحت، لكن الأن نتصور أنّو الأمور تبدّلت

ART.ticuler a dit…

@soufiene
فقط نحب نلاحظ إلي الحكاية ماهيش قضية إستراتيجية بقدر ماهي قضية تمس الاسس إلي ترتكز عليهم الثقافة إلي نحن جزء منها

abu arabi a dit…

trainspotting الاختلاف بين ما اراه وما ترينه ليس جذريا على ما اعتقد والتقاطع موجود فى عديد النقاط والمختلف عليه قابل للنقاش الهاديء...شكرا على التوضيح والى فرصة قادمة...

Enregistrer un commentaire