jeudi 26 février 2009

آه من حياتنا اليومية.


عشرة اسئلة جديدة ماعندها حتى علاقة بالدين (ضاهريا)
1- علاش نعتبرو الصغار "مفرخة" ونتعاملو معاهم ك"شيء" ونجعلوهم فرد مرتبة هوما والمال؟ (بدون ذكر المصدر ) في حين أن الانسان لا يقدر بثمن ومن بعد نقولو شبيه الكلنا ذواتنا مقموعة ومافماش إحساس بالكيان؟
2-علاش نعتبر الطبيعة ومشاكل البيئة هي أمور ما تهمناش وإلي الطبيعة تخلقت لينا احنا وكأننا لسنا جزءا منها؟
3- علاش ديمة ناصرو القوي ضد الضعيف /والجماعة ضد الفرد/ والعادي ضد الابتكار / والمتعارف عليه ضد الشاذ/ و الجريدة ضد المنطق؟؟
4-علاش في المسلسلات و الأفلام و غيرها نتعاطفو ديمة مع الفقراء وفي حياتنا اليومية ....آه من حياتنا اليومية...
5- علاش نكذبو؟ (سؤال ساهل برشة)
6- علاش ما زلنا نتعاملو بمنطق "عينك ميزانك" والليقة تجيب " سواء في العمل أو في علاقاتنا الانسانية ؟ وإلي موش إنسانية زادة؟
7- علاش نعملو في حرب بين بعضنا من خلال 22 لاعب وكرة ؟ والحرب الحقيقية هي ضد الجهل و القمع والتخلف ؟
8- علاش الواحد منا، على قد ما ذاتو ذايبة في المجموعة على قد ما ينفخ روحو بالاوراق؟
9- علاش نعتبرو الفن و الفلسفة والاداب حكايات فارغة وما توكلش الخبز
وكأننا نعيشو كان بالخبز ؟
10- علاش نعتبرو الأنتماء إلى رقعة جغرافية مدعاة للفخر والاعتزاز أو العكس؟

صورة :قشور برتقال
Photo :ART.ticuler

2 commentaires:

MeTaLLisTiC a dit…

مواضيع السؤال الـ10 و جزء من السؤال الثالث طرحهم زادة المفكر جورج برنارد شو :
ـ قمة غرور الإنسان هو إعتقادو ان بلادو هي احسن بلاد لانو ببساطة تولد فيها
ـ اللي ماهوش مهبول عند العباد هو اللي يحب يتكيّف مع الوضع و المهبول (حسب العباد) هو اللي يحب يكيّف الوضع على كيفو هو...إذن كل تطور باش يصير في العالم مربوط بذلك المهبول..
و بالنسبة للسؤال الخامس بالحق من اصعب الاسئلة الساهلة اللي ريتهم

MeTaLLisTiC a dit…

مواضيع السؤال الـ10 و جزء من السؤال الثالث طرحهم زادة المفكر جورج برنارد شو :
ـ قمة غرور الإنسان هو إعتقادو ان بلادو هي احسن بلاد لانو ببساطة تولد فيها
ـ اللي ماهوش مهبول عند العباد هو اللي يحب يتكيّف مع الوضع و المهبول (حسب العباد) هو اللي يحب يكيّف الوضع على كيفو هو...إذن كل تطور باش يصير في العالم مربوط بذلك الإنسان اللي يحسبوه العباد مهبول..
و بالنسبة للسؤال الخامس بالحق من اصعب الاسئلة الساهلة اللي ريتهم

Enregistrer un commentaire