vendredi 4 septembre 2009

آخر تنبيه قبل ما نطلّق المرا

عندي سؤال :علاش التدوينات إلي فيها فكرة و تحل الشاهية متع نقاش ما يتلفتلها حد ؟
علاش التدوينات متاع البولتيك والوطنية المعلبة الجاهزة للهلاك ،نقصد ل
لاستهلاك يقع التفاعل معاها بشكل أكبر من التدوينات إلي فيها فكرة وشوية بنة ؟ زعمة موش على خاطر عندنا شوية كبت سياسي؟ على كبت أخلاقي ؟ مجرد سؤال ..
المهم يا جماعة وبصراحة نكسر في راسي و نحاول نكتب في الفن بلوغة مفهومة ومن بعد ما يصوت حد ! هذا بصراحة يطيح الفن في الركايب ! هههه
تدوينة "طيش عليك المرايا" يصوتلها واحد بركة ؟!! يا نعلبو الوقت ههههه
يا خي ندون لأمي أنا ؟ أية بالحرام لا عاد زايد فيها حرف!...
تضحك إنت ...؟ باهي أضحك، أضحك،.. زعمة ولد حومة زعمة.. المرة جاية اتاو نكتب على الفنانة المطرودين ! ونشوفو ههههه


16 commentaires:

ferrrrr a dit…

A l'ère du blogolynchage les belles histoires des beaux arts ne font pas l'unanimité...

Arabasta a dit…

3ana kabt syessi? loooooooooooool


Il faut avoir de la politique avant pour qu'on soit refoulés, parce qu'en Tunisie j'ai jamais vu.

البرباش a dit…

تتمنيك على قضية الأساتذة المطرودين؟!؟

برّه صحة ليك يا أرتيكولي، كيف اعطاك الزمان و برّه

brastos a dit…
Ce commentaire a été supprimé par un administrateur du blog.
Hamadi a dit…

Pour discuter de l'art, il faut la sensibilité il faut le gout. Pour discuter une idée, il faut un cerveau et une culture. Les discussions récentes sur notre blogosphere n'a pas fait l'unanimité sur ces choses.

Mais à force d'essayer et préserver un changement est possible.
:)

ART.ticuler a dit…

@berbech
أولا يا برباش مانيش فاهم بأناهو عقل فهمت إلي أنا نتمنيك على الأساتذة؟؟؟
ثانيا : من التدوينة الكل ما لقيت ما تحكي؟ كان هذا؟
ثالثا:شنوة الدافع باش نتمنيك على الاساتذة ؟ ؟؟
بصراحة مافهمتش فين تحب توصل؟

ART.ticuler a dit…

عرباستة :كلاملك صحيح 100% !!
فررر :
للاسف كلامك صحيح ! أما نمسخ حوايجي و نزيد يقراو هو المفيد ؛-))
حمادي
ما يرتقي مستوى البلوغسفير كان ما الواحد ركبلو السكر وضغط الدم :-))

ART.ticuler a dit…

ملاحظة اخرى للبرباش : كيفاش واحد من الأوائل المصوتين على تدوينة الأساتذة يجي من بعد يتمنيك على الأساتذة؟؟
سامحني ياخي تعرف آش معنتها عقل؟

bent 3ayla a dit…

لا عاد لا عاد، بربي لا تبطل. يا ولدي راهو نغطسو شوية و فما اللي ما يصوتش من اصلو. اما ما تاخوش في خاطرك. توا نعزّم بش نتذكر المودوباس و نولي نصوت

البرباش a dit…

مقلقك التصويت آ بابا كيفاش تدوينة الناقد اللي اتحدث فيها على قضية الأساتذة المطرودين العباد صوتولها (بغض النظر عن انك صوتلها ام لا)

و كيفاش ما يصوتولكش رغم انك تطرح في قضايا للنقاش

و المرةالجاية بش تحكيلنا ع الفنانة المطرودين... هانا نشوفوا هانا نشوفوا

الشي ما يتقارنش ببعضو راهو يا أرتيكولي... و يولي حتى عيب عليك تحكي بالطريقة هذيكة

ما خليت شي راك ع اللي قال على هشام العلايمي آش لزو يتشعبط في كوابل الضو

اما الآخر ع الأقل موقفو كان صريح في دفاعو ع السلطة، اما شوف روحك كيفاش تحاول تهمش الحكاية، وغم اللي ما عندك في السوق ما تذوق

أنستك بعقلك... يا بو عقل

ART.ticuler a dit…

نعلمك يا سي البرباش يا بو العقل أن التدوينة هذيكة هي عبارة على نقل ،يكاد يكون حرفي لحوار صار بيني و بين صديق ..وموضوع التدوينة وعقلها ما عندو حتى علاقة بالاساتذة وانما بالكبت السياسي أو على الأقل أنا نشوفو كبت سياسي ..محاولتك وصفي بالمدون المتحالف مع السلطة أقل ما يقال فيها أنها سخيفة كسخافة تفكيرك ...أهاوكا قدامك 270 تدوينة بخلاف إلي وقع قرصنتهم ، شوف تلقاش ربع كلمة تمشي مع إتجاه كلامك ..أما إذا كان عندك حساب قديم تحب تصفيه موش لازم تركب على قضية الاساتذة كيما عملت في حومة البلوغسفير وتنجم تحكي معاي مباشرة ..
أنا مانيش فاهم علاش كل مرة تهاجمني بطريقة غير مباشرة ؟ يا خي عندك مشكل معاي و أنا ما في باليش؟

البرباش a dit…

أولا نعلمك سي الشباب انو التدوينة و وقت نشرها ما ينجم كان يكون ليه علاقة بحكاية الأساتذة المطرودين

و خاصة الجملتين هاذم:

تدوينة "طيش عليك المرايا" يصوتلها واحد بركة ؟!! يا نعلبو الوقت ههههه
يا خي ندون لأمي أنا ؟ أية بالحرام لا عاد زايد فيها حرف!...
تضحك إنت ...؟ باهي أضحك، أضحك،.. زعمة ولد حومة زعمة.. المرة جاية اتاو نكتب على الفنانة المطرودين ! ونشوفو ههههه

يكون حوار، يكون اللي يكون... الظرف اللي هبطت فيه ما ينجم يتفسّر كان على انو تمنييك ع الأساتذة المطرودين عمدا، اللي هوما عباد شافت الموت بعينيها و إضراب جوع و هموم زرقاء... بش تجي انتي تتمنيك عليهم و تهدد بش تحكي ع الفنانة المطرودين بش تحصّل كمشة اصوات تتقيّدك في السجل الذهبي متاعك

ملاّ مقارنة... دوحي يا مباركة و برّه

و حتى اذا كانو حوار، يولي الملام يرجع عليك و على صاحبك وقتها راهو

و من غير ما تكبّش في حكاية التحالف مع السلطة، على خاطر كومنتاري ما زال موجود و قلت ديجا أنو ما عندك في السوق ما تذوق.

و ما عندي معاك حتى بونتو راهم، ما نعرفكش أصلا (او قد نكون نعرفك، لا لا، بل نعرفك، هههه) و ماهيش مسالة شخصية لأنها لو جات هكاكة كنت بعثتلك مباشرة كيف ما بعثتلك وقت ما شاورتك هل انو يمكن ندرجك ضمن شخصيات المسلسل متاع حومة البلوغسفير و إلا لا، و كيف ما بعثت لغيرك و غيرك... أسأل برك تلقى ألف مين يدلّك

ما نتصورش كانت لي معاك اي مشاكل سابقة، تي أصلا المرات اللي حطيتلك فيهم كومنتارات يتعدّوا ع الصوابع و ساهل حصرهم... و إضافتك للمسلسل كانت احتراما ليك على خاطر ظنيت انك أصبحت واحد م الحومة و حبّيت نرحب بيك... و كانك على حكاية الطريحة، الله غالب الظروف حكمت انو دورك هكاكة يكون و ماكش وحدك اللي كلاها في المسلسل ما نعرفش علاش انتي برك اتحسست منها، رغم اللي ما يخرجش عليك انك تتغشش منها على خاطرك تحكي برشا باللوغة متاع الفن و الدراما و الإبداع و ما إلى ذلك

المسائل الشخصية ما تتعالجش علنا بالكومنتارات و التدوينات، ثمة طرق اخرى للإتصال دايما تكون أفضل في الحالات هذيكة (الشخصية)... اهوكة في بالك

brastos a dit…

اهلا

من رايي انّو التدوين ما يلزموش يكون محصور في توجّه واحد و نسق واحد ، سياسه بالمعنى الفج ، و الا حكايات شخصية فقط ، و الا نقاشات ايديولوجية فقط

من رايي التنوّع باهي ، و انفتاح الذّهن على مختلف المسائل الحياتية باهي

فمّه مدوّنات ، ملّي توجدت ما حكاتش كلمة على الموسيقى مثلا و الا على الشعر و الادب ، هل يعني هاذا انّها مدوّنات لا جدوى منها ؟؟
بالطبيعه لا

فمّو مدوّنات ما عندها حتى اهتمام بالسياسة و بالايديولوجيا ، هل يؤدّي بنا هذا الى اقصائها ؟؟

طبعا لا

انا نتصوّر اللي حبّ يقولو ارتيكيلي يمكن باسلوب متوتّر شويّ لكن صادق ، هوّ انّو ضروري انّا نفوّحو البلوغسفير بالاهتمامات الفنية و الثقافية

صحيح انّو من الايجابي الخوض في القضايا المصيرية ، لكن هذا لا ينفي ذاك

نفخ روح فنية ثقافية في البلوغسفير يساهم في بعث شويّة ندوة ضدّ الشياح اللي (حبينا و الا كرهنا) تخلّيه السياسة بالمعنى الفج

نحبّ نذكّر البعض من النسّايين انّو ارتيكيلي ، ابّان حرب الصهاينة على غزّة كان يبوستي بالتدوينتين ثلاثه في النهار ، فيهم تساؤلات و تحاليل و اعلام و ارقام و قراءات و خصومات

نتصوّر اللي متعوّد على مناصرة قضايا العدل و الحرّية ، ما همش باش يفرّق مابين اطفال غزة و مابين اساتذة مطرودين

الا انّو كيما حكيت ، نتصوّرو حبّ يقول ،، أوكي .. نحكيو في القضايا السياسية الملحّة ، و نفتحو امخاخنا زادة للفن و الثقافة و الادب و الموسيقى و الرسم والنحت و التصوير الشمسي و...و...و

اما ما نزايدوش بيها ، ما نزايدوش بألام الناس و معاناتهم

سي ريزيرّكسيون/اللي هو عمروش ، يعملّك خمسطاش ن تدوينه سبّان ، هاذا بيدوفيل و هاذا شايب خارف و هاذا شاذّ و هاذا ندرى شبيه ، و من بعد وقت اللي يوصلو تهديد بكشف امرو بانّو هو عمروش بالادلّة الدامغه ، يولّي يحكي على الاساتذة المطرودين و على هشام العلايمي

و بين عشية و ضحاها يتحوّل السيد اللي حالل ماخور متخصص في سبان الناس في اشخاصها الى مناضل

شبيه هاذا ما نوجّهولوش اصبع الاتهام

ماهوش تمنييك هاذاكه ؟؟؟

كفى كيلا بمكيالين

ايّ واحد يحب يقوم بدور المحايد ، يلزمو يتقنو مليح ، ماكانش يفكّ عليه

المزايده لا

صحيح انّو لاقيمه لايّ امّة و لايّ شعب دون مقاومة

لكن زاده

شنوّة قيمة ايّ امّه و ايّ شعب من غير فنون ؟؟؟

ماله اش نقولو في ادب السجون ، و ادب المقاومه ، اللي رغم تشبّثنا بيهم و اهتمامنا الكبير بهالاتجاهات الادبية هاذي (سجون .. مقاومه .. التزام ...) يعتبروه بعض الادباء حمل ثقيل عليهم

محمود درويش صرّح في العديد من المناسبات انّو ما يفضّلش تناولو من زاوية ادب المقاومه فقط ، لانّ في ذلك طمس لجوهرو الانساني الوجودي ، الشّي اللي يرى فيه هو اكبر الهام ليه

يعني من المضحك انّّو كل واحد فينا يتحوّل الى صيّاد صبعو على الزناد و يستنّى في ادنى هفوة من خصمو الفكري ، تنجّم تكون حتى هفوة مطبعية ، باش يتيري عليه

سؤال لبعض المعلّقين هنا : طيب ، لو فرضنا انّو من حقّك تصنيف ارتيكيلي في خانة اصدقاء السلطة على خاطر هو قال الكلام هاذاكه ، مّاله اعطينا رايك في اللي يصوّت للتدوينات متاع نوفل القزوردي و من بعد يمثّل علينا دور المعارض اللي فاهم كل شي و متكرّم علينا بالوعي

شبيه هاذا ما تتلفّتولوش ؟؟ و ما تسارعوش الى تصنيفو مع السلطة والا ضدّها ؟؟

ART.ticuler a dit…

أهلا براستوس
بالفعل لا بد من التنويع ليس من باب الترويح على النفس لكن الحياة ذاتها متنوعة ولا يمكن حصرها في نطاق ضيق مهما كان ..
بخصوص المقاومة فأنا اعتبر الفن مقاومة ! مقاومة للرداءة ومقاومة للتفكير العادي ومقاومة للذوق الهابط ..
ثم أن مساندة السلطة من عدمها ليس بتهمة ! صحيح إلي مساندة السلطة (أي سلطة) هي دلاعة ماسطة في عز الصيف لكن في حد ذاتها ماهيش تهمة ..كل إنسان حر في مواقفو لكن التهمة الحقيقية هي النفاق والماسك و السكينة بو وجهين ..التهمة هي التصويت لتدوينتين في نفس الوقت، وهوما من حيث الموضوع متناقضين ..
التهمة الحقيقية هي الصمت في محل الكلام !

البرباش a dit…

@ Brastos:

سؤال لبعض المعلّقين هنا : طيب ، لو فرضنا انّو من حقّك تصنيف ارتيكيلي في خانة اصدقاء السلطة على خاطر هو قال الكلام هاذاكه ، مّاله اعطينا رايك في اللي يصوّت للتدوينات متاع نوفل القزوردي و من بعد يمثّل علينا دور المعارض اللي فاهم كل شي و متكرّم علينا بالوعي

شبيه هاذا ما تتلفّتولوش ؟؟ و ما تسارعوش الى تصنيفو مع السلطة والا ضدّها ؟؟


بالله يا براسطوس نظن انو نعرفوا بعضنا، و نعرفك ما تعلّقش هكاكة في الهامش... دونك مادامك حطيت كومنتارك نفهم انك قريت التدوينة مليح و الكومنتارات مليح مليح، ما ثمة حتى حد غيري جبد على ححكاية السلطة و كان ذلك في إشارة لديانا ماغازين و قلت في نفس التعليق انو ارتيكولي ما عندو في السوق ما يذوق

لذا... رجاء كيف تحب تتوجهلي بكلام، ما تحكيش في صيغة المجهول و صيغة الجمع، بش يكون كلامك واضح.

و ما تحاولش تهمّش الموضوع اللي اتحدثت عليه في كومنتاري و تردني نحكي ع السلطة ما سلطة... و أنا شخصيا ما عندي حتى مشكل مع وجود أي طرف في البلوغسفير حتى كيف يكون نوفل او غيرو... لكن زادة كيف ما الطرف الىخر حر انو يكتب اللي يحب، انا حر نحكي ع اللي يكتب فيه بالطريقة اللي أنا نحب... هي حرية متبادلة

و نظنك انتي ادرى الناس بكلاندو و بالتوجه متاع مدونتو، و بمعزل ع الصراع متاع البيدوفيلي، كلامك انتي او لاخر الجني ههههه موش بش يبدّل وجهة النظر متاعنا ليه، و الشي ما يتقاسش ببعضو راهو... ش جاب أرتيكولي و إلا براسطوس و إلا البرباش لكلاندو (نحكي كمدونين)، أوهوه شتّان كيف ما يقولوا بالفصحى

يعني من المضحك انّّو كل واحد فينا يتحوّل الى صيّاد صبعو على الزناد و يستنّى في ادنى هفوة من خصمو الفكري ، تنجّم تكون حتى هفوة مطبعية ، باش يتيري عليه

ماناش خصوم، خاصة أنا و أرتيكولي، ما نعرفش علاش عندو حساسية و يحط في قلبو... هذيكة امورو

نرجع لموضوعنا

كومنتاري كان ردّا على تمنييك السيد أرتيكولي على قضية الأساتذة المطرودين... قد يكون ذلك موقفو و ما يدبّر عليه حد و ما يسالو حد في التعبير عليه، كيف ما صار قبل مع المدعو ديانا ماغازين كيف عبر على موقفو من مقتل هشام... لكن يقعد للبقية زادة حق نقدو كيف ما صار مع ديانا تماما

لذا ما ثماش حتى داعي بش نقعدوا نلعبوا في لعبة الحلاّب على بعضنا و نجيبوا و نجلبوا و هاو دلاعة هاو ريزيركسيون هاو جني

أرتيكولي اتهكّم على قضية الأساتذة المطرودين عمدا (المومني و الزغلامي و الجلولي) و نغر كيفاش انو تدوينة أبو ناظم تحصد برشا أصوات، في حين انو تدوينة أبو ناظم خلاتها و جلاتها، و قال انو هو زادة كردة فعل بش يحكي ع الفنانة المطرودين

أنا ما عجبنيش موقفو هذاكة و نقدتو فيه، ياخي طارتلو

أيا تعرفشي كيفاش، بالله عليك يا أرتيكولي اكتبها هـ التدوينة متاع الفنانة المطرودين و راس خويا العزيز اول ما نلقاها ع التن-بلوغ اللي ما نصوّتلك عليها حتى قبل ما نقراها

brastos a dit…

برباش ، الوضوح باهي
تعليقي موجّه للناس الكل اللي علّقو هنا، اما ماخذ من التعاليق الكل
كل شي نسبي راهو يا برباش ، المدوّن اللي انت مضروب فيه و تقول اش مجيّبنا ليه ، اتفه من اني نعمل منّو راسمال ، اما جبدت عليه كمثال للحزّة الباجية و برّه
فيما يخصّ "اش مجيّبنا ليه" ، يمكن انت ترى اش مجيّبك ليه ، اما عن نفسي ، ما نتلفّتلوش مجرّد تلفيت
و كي نتلفّتلو مرّة ، راني باش نصطّكلو باش يتربّى و ماعادش يتحكحك عالعباد اللي ما جوش على ساحتو
تقول : "وبمعزل على الصراع متاع البيدوفيلي"
و انا نقلّك : ارتيكيلي (مثلا) "و بمعزل على رايو المتوتّر في حكاية الاساتذة المطرودين" ، اش مجيّبنا ليه
علاش تعزل ؟؟
علاش ما تحمّلش كل حدّ مسؤوليتو ؟
بالمنطق هاذا
حتّى شارون ، و "بمعزل" على انّو مجرم ، مريض و يستحقّ دعيوة خير
!!!!
قول هاذاكه صاحبي و عشيري ، راهو حتى كي يغلط ما نعطيهش
واكاهو
علاش نغطّيو في الشمس بالغربال
:)

Enregistrer un commentaire