jeudi 13 août 2009

أمثال لا مثيل لها... مثلنا


أش نجمو ننتظرو من شعب يتعامل مع الآخر والعالم بهذا ال
نوع من الأمثلة

إلي خاف نجا

ما تربح من صاحبك كان البلاصة



الليقة تجيب ( الحديث هنا على النسخة التونسية من ايراباص 380 )

عينك ميزانك

عينك ميزانك (العين الثانية)

الضرب يجيب

إلي يختار يقعد للفضيحة و العار ( المقصود إختيار الزوجة)

أعمل كيف جارك وإلا حول باب دارك (من ثقافة القطيع)

لا دخل يدك للمغاغر لا تلسعك العقارب ( من ثقافة تركريك التاي )

إلي تخدمو طيعو وإلي ترهنو بيعو

ما دواء الكساد كان الفساد ( المقصود بالفساد هنا هي الفنون التي تخرجنا من الملل والكساد)

أخطى راسي واضرب

اضرب القطوسة تتربى العروسة (باهي ياسر إلي ما جلغش العروسة )

إلي غاب،غاب سهمو

لا ترد فاس على هراوة

كلمة لا ما تجيب بلاء

اللي تلقاه راكب على فركة قلو مبروك الفرس

أعطي للذل كارو

14 commentaires:

ferrrrr a dit…

اشنو هالديفيلي متاع الفجايع ههههه اشبيك انسيت الطبيعة اليوم؟ هاي وحدة: العزوزة هازها الواد و هي اتقول العام طهمة

ART.ticuler a dit…

نعم؟ اش قتلي؟ سامحني ما سمعتكشي ..ديمقراطية؟؟؟؟ آش مدخل الديمقراطية يا ولدي ؟..ههههه

Dovitch a dit…

أهلا آرت
زويز اخرين حول النفاق الإجتماعي

كلمة لا ما تجيب بلاء

اللي تلقاه راكب على فركة قلو مبروك الفرس

oussama kebir a dit…

@ ART.culier

merci pour cette liste qui manque pas de marrer,

voila un proverbe ASINUS ASINUM FRICAT
c'est Mon proverbe préféré qui est de diffusion très confidentielle mais qui pourrait être la devise de peuplades entières
je l'ai traduit du latin comme suit
البهيم مع البهيم يتجحرش

:-)

Unknown a dit…

أعطي للذل كارو

ART.ticuler a dit…

دوفيتش
أهوكة زدتهم.. هههه
فلتاريان
ههههه.. شكرا على المرور

ART.ticuler a dit…

soufiene
ahwka zidtou hahaha :-)

الحلاج الكافي a dit…

سامحوني ثمة مثال آخر نساه آرت-تيكيلي:
إللي خذى امنا هذاكة هو بونا

ART.ticuler a dit…

ههههه كفاش نسيتو هذا ومشى من بالي ؟هههه

eddou3aji a dit…

قصّولو يدّو جات صالحة للطّنبور
صحّة ليك كنت باش نخنتب حويجة على حكاية الأمثال متاعنا إلّي شطرهم فيهم شويّة راسيزم و إلّا ماتشيزم و إلّا برشا عنف ...براف متاع زمان آخر أمّا مشات من بالي و هاك سبقتني هههههه

ART.ticuler a dit…

أهلا دوعاجي
فصعت بيك .. ههههه ..أما باهية قصولو يدو جات صالحة للكلافي هههه ..

Adem Salhi a dit…

او اللي موش عاجبو؛ يطير قرنو
ههههههههه

ART.ticuler a dit…

أهلا آدم
آه.. هذا مثل في الديمقراطية ! ههههه

مفعوص زرداشتي a dit…

الحلّاج: ما توّصي يتيم على نواح

Enregistrer un commentaire