mercredi 26 août 2009

في تعريف بعض المصطلحات


ضروري باش يقع تحديد بعض المصطلحات إلي يقع استعمالها في البلوغسفير كما مثلا يساري وإلا خوانجي وإلا وسطي ..أنا اقترح عليكم تعريفي للمصطلحات الثلاثة .
اليساري :هو الشخص الحر والمتحرر من كل ما ينجم يعطّلو ماكينة النقد متاعو .هو شخص يحب الحياة وكيف نقول الحياة نقولو الطبيعة ،الموسيقى ،الفنون ، الحب، وكل ماهو طبيعي هو تلقائي وعفوي والعفوية، إلي هي عكس الحسابات، تدفعك باش تكون إلى جانب الضعفاء والمقهورين والمستغلين ..
اليساري في كلمتين هو الشخص العلمي في تفكيرو وانساني في معاملاتو.
الاخوانجي : هو شخص يؤمن بوجود قوة خارجة عن العالم المادي،هي إلي تسير فيه وتقرر مصير هذا ،وتقتل هذا ، وتعرس لهذا بهذي (مكتوب مرة أخرى :-)) و
اجبو في الدنيا هو طاعة هذه القوة وجزاؤو هي الحسنات إلي يلمها من كل عمل خيري يقوم به ليس من أجل الأنسان في حد ذاته بل من أجل جمع أكبر عدد ممكن من الحسنات
و هذكا علاش الأخوانجي هو إنسان أناني بار ديفينيسوين*
الخوانجي هو إلي يعدي حياتو في الحسابات :عندي 50 ألف حسنة نزيدهم 56 ألف و-300 حسنة مزالولي 78560 حسنة باش ندبر حق دخول للجنة ..كل م
ا يفعله الأخوانجي هو البحث عن مصلحته الخاصة في اليوم الآخر أما الآخر بالنسبة إليه لا يعدو إلا أن يكون وسيلة من خلاله يتحصل على الحسنات. فعندما يقدم إليك خوانجي خدمة فتأكد أنك لست الهدف النهائي وانما الحصول على الحسنات ..
ولان الخوانجي انسان غير تلقائي تلقى ذوقو يجبد على القازواردي ويموت على كل ماهو بلاستيك مصنوع في الصين: ورد بلاستيك، سبحة
بلاستيك، سجادة متع صلاة بلاستيك ،ساعة للتذكير بالاذان....بلاستيك
الوسطي :الانسان الوسطي اعتبره خوانجي في حالة سراح !
الوسطي هو إنسان يحب يسكر مع اليسار ويصلي التراويح مع الخوانجية
عديم المواقف في الاوقات إلي يلزم ياخذ فيها موقف ويطلع سكينتو كيف البقرة اطيح.. يمكن معرفة المزيد عن شخصيتو في تدوين
ة هذي هنا

*par définition

8 commentaires:

Al-Hallège a dit…

انا رأيي ان الخوانجي رجل يلبس جبة الدين و انتهازية اليميني و عاشق كرسى الحكم بأي طريقة كانت و منافق من أعلى درجات النفاق الديني و السياسي و حربائي اللون بتذلل عند الضعف حتى تخاله مسالما لدودا و يستأسد عن و صوله للكرسي و يحكم بشعار قتل الثلثين لإصلاح الثلث و لا يكسب من التسامح الديني ألا جرعات الكذب المنمق و هو بصفة عامة عدوّ الحرية و التقدّم

Al-Hallège a dit…

مع إعتذاراتي لإسلام أمي و أبي و خالتي و عمتي و كل الجيل المسلم الطيّب الذي كان غاية في التسامح الديني و الذي لم يستعمل الدين في يوم ما لتفصية الحساب السياسي...لقد كان شعار هذا الجيل الطيب قبل غزو القنوات الوهابية ...الله يهدي ...وكل شاة معلّقة من كرعها و ابتسامة عريضة ...للمخطئ و المفطر و الغاضب

ART.ticuler a dit…
Ce commentaire a été supprimé par l'auteur.
ART.ticuler a dit…

بالفعل يا حلاج الخوانجي هو إنسان مستعد يتحالف مع أي كان من أجل الوصول إلى غايته..لكن حسب رأيي الخوانجي موش فقط المنتمي حزب سياسي أو ديني وله نشاط سياسي .."الأخوانجيزم" هي طريقة تفكير موجودة في المخ في حالة سبات، تنهض بمجرد تعرض صاحبها إلى أزمة سواء كانت أزمة حضارية،نفسية، إقتصادية.. شكرا على المرور

chanfara a dit…

أهلا آرتيكولي

أعتقد أن تعريفاتك الثلاثة فضفاضة (أي لا تأدي معناها) و خاصة لا تؤدّي إلى تفسير علمي للمصطلحات التي ذكرتها، فبإمكان أي شخص أن يكون يساري أو بتعريفك أنت متحرر يحب الحياة و الطبيعة و الموسيقى و تلقائي و عفوي و و
و لكن في نفس الوقت هو شخص يؤمن بوجود قوة خارجية عن العالم المادي ووو

و أيضا هو نقدي بمعنى جدلي و لك في بعض الشخصيات التارخية أبرز مثال مثل القيادات الشيوعية في أمريكا اللاّتينية التي كان منها العديد من قيادات الكنيسة أو حتى مثال المعتزلة في التاريخ الإسلامي الذين كانو يبنون كل شيء حسب العقل و النقد أو حتى مثال غاندي صديق و رمز الفقراء و المستضعفين... إلخ

و أيضا بالنسبة للتعريف الثاني أعتقد أنه مبالغ فيه و قد تعمّدت فيه التطرّف في الإستهزاء و في تقزيم الشخص المؤمن

أعتقد أن التسمية المناسبة للتعريفات التي قدّمتها هي:

1-إنسان تقدّمي

2- إنسان منافق

3- ما عندوش إسم هههههه

هذا رأيي، أردت فقط قوله

راني بطلت التدوين من هاك العام و ما نيش بش ندخل في حتّى معبوكة

ههههه

سلام

ART.ticuler a dit…

أهلا شنفرة
لم أقصد بتعريف المصطلحات التعريف العلمي فلست بابن منظور هههه لكن فقط جملة من الأفكار أردت ذكرها شكرا على المرور وخسارة كونك قصيت على التدوين ..أرجو أن تعود

YoYo a dit…

معناها حسب رايك أي واحد يامن بربي هو شخص إنتهازي و متعصب، و عايش حياتو يحسب؟؟ياخي ماتعرفش حاجة اسمها إيمان وهذا من غير ما ندخلو في حكاية الحساب والعقاب. انا حسب رايي إنت قاعد تبالغ ياسر. والهدف متاعك معادش النقد و انما تحقير أي شخص مؤمن...

ART.ticuler a dit…

@youyou
نحكي على أشخاص معينين عملو الدين مطية وما نحكيش كيما قال الحلاج على إيمان أمي ومماتي إلي كانوا يحبوني من غير حسابات :-)

Enregistrer un commentaire