عناوينكم ردت اليكم

هذه جملة من عناوين التدوينات المكتوبة بالاحمر اعدت صياغتها أرجو أن تنال اعجابكم وما أرجوه أكثر أن لا تنال اعجابكم ..


في تونس الغد وقبل فوات الأوان ،شد يمينك و لا للكلام الزايد ..قامت وحدة قالت :في العالم العربي تعيش ..
جاوبها صاحبنا: توريست مرحبا بيك،عربي حنك الباب ..ولاتش العروبة تحت المجهر ؟
قام سي براهيم المؤدب و قال : هنالك أمر ما لا يستقيم في هذه الرواية..جاوبو واحد من الحاضرين قالوا: أنا مش كافر ..ساندو زميل ليه وقالو:إنتبه..! انها الفاشية !
في اللحظة هذيكة يدخل كبير الكفرة يصيح :بالحرام زايد ،إنه زمن طالبان
قام واحد يريض في الجماعة :نقاش بدون عدائية،خير من ألف تدوينة..ما صاوتلو حد...حتى ماسينيسا لا!
و كلات بعضها في قاعة الاستقبال..فجأة نسمعو في حس في الكوجينة : حلالم بالعلوش !
جاوبها صاحبنا الفوندو :هذا برنامجك؟ اشبيه معقول ياسر !
يدخل مولى المحل، إلي قليل فين يجي، و يحل الراديو: بيان الديوان السياسي للتجمع بمناسبة تقديم الرئيس زين العابدين بن علي ترشحه للانتخابات الرئاسية... طلع صوت من آخر القاعة قال:شكرا يا سيادة الرئيس ! و واحد آخر قال :إشكونو؟
واحد من الحاضرين حس ريقو شاح قال:خويا إنجم نشرب؟ قالو: ياخي نبيع في فطور الصايمين ؟ ما عندي كان عناقيد الفرح ..
الحاصل مالا ليلة عيد

game over !