mardi 30 mars 2010

علاش نحنا هكا؟












على خاطر كيف كنا صغار كنا مفعول به أكثر ملي كنا فاعل في جملة التكوين
|



على خاطر كيف كنا صغار, و من وقت الرضاعة، فهمنا إلي البكاء و التنغنيغ طريقة باش نطلبو حاجة و طريقة مجدية زادة..

على خاطر كيف كنا صغار كانو الوالدين يعملو كل شيء في بلاصتنا ويختارو في عوضنا لون الحوايج إلي نلبسوهم ولون الغلاف متع الكراسة..

على خاطر كيف كنا صغار كانت طريقة الحوار الوحيدة هي صبع السبابة إلي طالع هابط في الهواء يتحلف ويهدد..


على خاطر كيف كنا صغار شبعنا بالاهانات كيف نمشيو ونحلمو: "تي تحرك يا سخطة"
" يا كلب ايجا هنا ولله م
ا نوريك.."
كان الحب هابط علينا من كل بلاصة: "يا مكبوب ..ايجي بوك ونقولو خلي يكلك قلبك بالضرب.."

على خاطر كيف كنا صغار كانت الأخت هي إلي يلزمها تكون متفهمة لهبال خوها حتى كيف يبدا ظالم.."يكون منك العقل عيش بنتي" "ما تخوش عليه"
حتى لين خذا هو عليها الهف..

على خاطر كيف كنا صغار فهمونا إلي أهم حاجة نكونو رجال وموش إنسان:"أنا ولدي راجل"... و فهمونا إلي البنية لازم تكون " مقدية"..

على خاطر كيف كنا صغار كانو
ا الغنين في المدرسة يقعدوا القدام والفقراء لتالي

على خاطر كيف كنا صغار كانو
ا المعلمين يخلطو ما بينا وبين البهايم

على خاطر كيف كنا صغار ماكنتش عندنا ذوات. كنا جزء تابع :"ولد شكون إنت؟"
على خاطر كيف كنا صغار كانو الكبار يعطيونا طرايح على حاجات نشوفوهم من بعد يعملو
ا فيهم بالسرقة
نحنا اليوم هكا على خاطر البارح كنا هكا
ك! وإذا كان نحبو يكون غدوة موش كيما اليوم لازم يكون اليوم موش كيما البارح..

0 commentaires:

Enregistrer un commentaire